Ruka 21:6 - Te B'aib'ara

⁶ “Ni kaeti ma b'aai aika kam noori aikai, ane a na roko boong are e na aki noraki n tiku ikai te atibu teuana i aon teuana. A na bane ni kab'akaki i aontano.”

Ruka 21:6 ပူးပေါင်းရင်းမြစ်များ

Ieremia 26:18

ngke e uea ngkoa te uea are Etekia i aon Iuta, ao e roko te burabeti are Mika man te kaawa are Moreteta ao e taku: “Bon aei Au taeka Ngai ae te UEA ae Moan te M'aaka, E na riai ni kamarauaki Ierutarem kaanga te tawaana, ma n tiku ni urubekebeke. E na onrake taiani maunga n taiani kai aika a kateketeke ike e tei iai ngkai te Tembora.

Ieremia 26:6

ao N na urua te Tembora, n arou naba ngke I urua te kaawa are Tiro. Ao i mwiina, ane a na kamanenaa aran “Ierutarem” b'a te taeka ni karereanti nako ia aomata ni kabane i aon te aonnaba.

Ieremia 26:9

E aera ngkai ko taetae n aran te UEA b'a e na riki te Tembora aei kaanga Tiro ao e na uruaki te kaawa aei ao a na akea ae na maeka iai?” Ao i mwiin arei, a bootaki aomata ni katobibiai.

B'aeb'aeti 4:1

E a bua raneanean ara koora ao e a mangaingai; A wene n raea atiibun te Tembora i nanon te kaawa.

B'aeb'aeti 5:18

i bukina b'a e a tiku ni kitanaki ma ni kamaroaa te maunga are Tion, ao e a riki b'a ai nneia kameanti.

Mika 3:12

Ao i bukim, e na kamarauaki Tion kaanga te tawaana, ao e na riki Ierutarem b'a b'ariko ni b'ai aika a uruaki, ao tabukin te Tembora, e na riki b'a te buakonikai.

Tekaria 11:1

Reb'anon, kauki am mataroa! Kariaia b'a e na rin te ai b'a e na urui am kai aika tiira.

Tekaria 14:2

Ma te moan b'ai ae e na karaoaki, E na karokoia moa botannaomata nako b'a a na buakana Ierutarem-a na iraeaki b'ain nako te mwenga, a na tauaki aine, ao a na katikitikaki iteran te botannaomata, e ngae ngke iai tabeman ake a na kariaiakaki n tiku.

Mataio 24:2

Ao E kaekaia Iesu ni kangai, “Tiaki kam nori baikai ni kabane? E koaua ae I a tuangngkami b'a ane e na bon aki tiku ikai te atibu teuana i aon te atibu teuana; a na bane ni kab'akaki.”

Mareko 13:2

E kaeka Iesu ao E taku, “Ko nori auti aika ab'ab'aki aikai? Akea te atibu teuana ae na tiku ni nnena, b'a a na bane ni kab'akaki.”

Ruka 21:7

Ao a titirakina Iesu ni kangai, “Te Tia Reirei, e na riki aei n ningai? Tera te kanikina ae e na ataaki iai b'a e nangi riki?”