Ruka 21:37 - Te B'aib'ara

³⁷ Ao E rereirei Iesu n te um'antabu ni katoa bong; ma ngkana e a tairiki ao E oti nako ni mena n te maunga are arana Oriweta.

Ruka 21:37 ပူးပေါင်းရင်းမြစ်များ

Tekaria 14:4

Ao E na tei i aon te Maunga are Oriweta i mainikun Ierutarem, ao e na bwenauaaki te maunga nakon uaitera, ni karaoa te m'arua ae warebwerebwe ae e biri mai mainiku ni wairio.

Mataio 21:1

Ngke a kaania Ierutarem Iesu ma ana reirei, ao a roko n te kawa ae Beteb'ake are mena n te maunga are Oriweta; ao E kanakoia uoman ana reirei,

Mataio 21:17

E kitaniia Iesu, ao E oti nako man te kawa nako Betania, ao E tiku iai.

Mataio 26:30

Ao ngke a tia n anenea te anene n nebo nakon te Atua, ao a nako n te maunga are Oriweta.

Mataio 26:55

Ao n te aoa naba arei, ao E taku Iesu nakoia aomata, “Kam nako mai ma kabaang ma kaai n oro, b'a kam na tauai n aron te tia kam'arua? I katoa bong n tekateka ao n reirei n te um'antabu, ao kam aki tauai.

Mareko 11:12

N te bong are i mwina, ngke a tabe n nakonako i aoni kawaia n oki mai Betania, ao E taonaki n te baki Iesu.

Mareko 11:19

E kitana te kawa Iesu ma ana reirei ngke e a tairiki.

Mareko 14:49

I katoa te bong ae koraki ma ngkami n reirei i nanon te um'antabu, ao kam aki tauai. Ma e riki aei b'a e na kakoroaki bukin are e taekinaki n te B'aib'ara.”

Ruka 19:29

Ngke E a kaaniia Beteb'ake ma Betania, i rarikin te maunga are arana Oriweta, ao E kanakoia uoman ana reirei,

Ruka 19:37

Ngke E a kaan ma Ierutarem, n te tabo are e mena iai te kawai are ruo ri kaaki man te maunga are Oriweta, ao a bane ni kim'areirei ana reirei aika bati ao a kamoamoa te Atua n te b'ana ae korakora i bukini m'akuri ni kabane aika a kamimii ake a tia n nori.

Ruka 19:47

Ao E reirei Iesu n te um'antabu n te bong ae koraki. A ukoukora aroni kamateana ibonga ake mataniwi ma taani koroboki ao mataniwiia aomata,

Ruka 22:39

Ao E oti nako Iesu, ao E nako n te maunga are Oriweta, n aron are E tataneiai iai ni kakaraoia; ao a iria ana reirei.

Ioane 12:1

Onobong i m'ain te Toa are te Riao, ao E roko Iesu i Betania, ike e mena iai Rataro are kamaiuaki iroun Iesu man te mate.

Ioane 18:2

E ata te tabo arei Iuta, are kam'anea Iesu, b'a E roroko iai Iesu ma ana reirei.

M'akuri 1:12

A okira ngkanne Ierutarem taan tuatua man te maunga are Oriweta. E kaan te maunga aei ma Ierutarem, b'a tao te iterana te maire raroana mai iai.