Ruka 21:34 - Te B'aib'ara

³⁴ Ma kam na kawakiningkami b'a a na aki kamamaraaki nanomi n taekan ti te kan am'am'arake ma te mamanging ma iango n raraoma i bukini b'ain te maiu aei, b'a e kawa ni karina rokon te bong arei n te tai are kam aki kaantaningaia iai ni kam'aneingkami,

Ruka 21:34 ပူးပေါင်းရင်းမြစ်များ

Karikani B'aai 19:32

Nako mai, ti na kamanginga tamara, b'a ti aonga ni kona ni wene ma ngaia b'a a aonga n riki natira i rouna.”

Karikani B'aai 19:35

Ao a manga kakoroa ni manging n te tairiki arei, ao e a manga wene ni bure neiere te bina ma ngaia. Ao e bon rangi ni manging naba Roota n te aro are e aki ataa te b'ai teuana.

Karikani B'aai 27:14

Ma ngaia are, e nako n anai ma ni uoti nako ina, ao e a kuukana te aekaki n am'arake are e b'ab'aruia tamana are Itaaka.

Taian Areru 35:8

Ma ane a na taonaki n te kabuanib'ai ae na roko ni kakuba nakoia; Ane a na boni m'aane n aia b'ai ni kam'am'ane, Ao a na b'aka ni kabuanib'ai i nanon aia kinono.

Taeka n Rabakau 21:4

A kainikatonga aomata aika a buakaka ao a kamoamoa, ma bon akea riki arokaia ae a unikia i rarikin te bure.

Taeka n Rabakau 23:20

Tai riki b'a te tia mamanging ke te tia mamauam'arake.

Te Minita 9:12

Bon akea mai buakora ae e ataa te tai ae e na reke iai, b'a konan te kabuanib'ai ae e karina, are ti na kuneira iai kaanga te ika ae e bae n te karaun, ke te mannikiba ae e m'ane n te b'ai ni kam'ane.

Itaia 28:7

A bebe waeia ibonga ma burabeti b'a a koro ni manging. A rangi ni mangaongao aia iango n te aro are a aki konaa ni butim'aea ana rongorongo te Atua ke n anga babaaire aika a raoiroi.

Otea 4:11

ao a tia n aki kakaonimaki nako iu, Ngai ae aia UEA. Kam nanobaba Au aomata b'a kam rangi ni kam'aita iangoan te kukurei ma iangoan te wain.

Nakoaia Ibonga 10:9

“Kam na aki rin n ana Um'antabunrianna te UEA i mwiin mooimi n te wain ke te biia; ngkana kam karaoa anne, kam na boni mate. Bon aei te tua ae riai ni kaawakinaki irouia ami kariki ni kabane.

Mataio 13:22

Ao are unikaki i buakoni kaai aika kateketeke bon ane ongo ana taeka te Atua; ma n iango n raraoma nako i bukini b'ain te maiu aei ma mataiakinani kaub'aina a karib'a te taeka, ao e aki kariki uaa.

Mareko 13:9

“Ma kam na tarataraingkami, b'a ane a na kateingkami i matani kabowi, ao ane kam na oreaki i nanoni m'aneabaia I-Iutaia; ao ane kam na tei i mataia taan tautaeka ma uea i buku, b'a kam na taekina te koaua nako ia.

Mareko 4:19

ma iango n raraoma nako i bukin te maiu aei, ao tangiran taiani kaub'ai ma b'aai nako aika kamataaia te aba, a karib'ab'aa te taeka, ao e aki kariki uaa.

Ruka 10:41

Ao E kaeka Iesu ni kangai, “Mareta, Mareta, ko iango n raraoma ao e aki rau nanom i bukini baika bati,

Ruka 12:40

Ao ngkami naba, kam na b'aina te tauraoi; b'a ane na roko Natin te Aomata n te aoa are kam aki kantaningaia b'a E na roko iai.

Ruka 17:3

Kam na kawakiningkami: “Ngkana e bure tarim nako im, ao ko na takuia, ao ngkana e kab'ara ana bure, ao kab'ara ana bure;

Ruka 21:35

b'a kanga te b'ai ni kam'am'ane. B'a ane e na roko i aoia aomata ni kabaneia aika maeka i aonnaba ni kabuta.

Ruka 21:8

Ao E kaekaia ni kangai, “Kawakiningkami b'a kam na aki burebureaki; b'a ane a na roko aomata aika bati n arau, ao ane a na kangai, ‘Boni Ngaia ngai!’ Ane a na kangai naba, ‘E a kaan te tai are E na roko iai te Kristo!’ Tai nako n iriia.

Ruka 8:14

Ao i bukiia ake a b'aka i buakoni kaai ake a kateketeke, akanne bon te koraki ake a ongo ma a karib'aki n iango n raraoma i bukini b'ain te maiu aei, ma kaub'aina ao kakukureina, ao a aki kaoti uaaia aika raraoi.

1.I-Korinto 5:11

Ma are I nanonna n au koroboki, b'a kam na aki raona te aomata ae atongaki b'a te tia onimaki, ao ngaia bon te tia wene ni bure, ke e mataai ni kanib'aib'ai, ke te tia taromauri bouannanti, ke te tia taetae n iowawa, ke te tia mamanging, ke te tia babakanikawai; kam na tai am'arake naba ma ngaia.

1.I-Korinto 6:10

ma taan iraa, ma akana mataai ni kani b'aib'ai, ma akana b'aina te mamanging, ma taan taetae n iowawa, ma taan anai b'aai n te aro n iowawa. E aki kona n reke uean te Atua irouia aomata aika ai aroia aikai.

I-Karatia 5:20

te taromauri bouananti, te tabunea, taian riribai, te kauntaeka, te tauaninne, taian un, taian unra i marenaia ami botaki nako, taian i raraaure, taiani kakaokoro n iango,

Te Tua-Kaua 29:19

E ngae ngkana bon Iteraera ngkoe ae ko atai ni kabane kanoan te boraraoi ma te UEA, ma E na bon aki naba kakab'aiako ngkana ko kakaitaraa. Ko na taku i nanom b'a ko kona ni karaoia ao akea tuaam, ma ko na karika te kangaanga nakoia Iteraera ni kabane b'a a na katuaaeaki naba ma ngkoe.

I-Biribi 4:6

Kam na tai iangoa te b'ai teuana n raraomaeakinna; ma a na kaotaki ami bubuti nakon te Atua ni b'aai ni kabane, n te tataro ni bubuti ae raonaki ma te katituaraoi.

Ebera 12:15

Kam na tarataraingkami b'a e kawa temanna ni b'aka man te akoaki iroun te Atua, ao b'a e kawa n riki b'a kanga ai aron te wakaa ae mao ni kakiriweingkami, ao a na kam'araeaki iai aomata aika bati.

2.Betero 3:10

Ma ane e na roko ana bong te Uea n ai aron rokon te tia iraa; n te bong anne ao e na mauna iai karawa ma te rurunga ae korakora, ao a na bue b'aai ma ni mauna nako aroia; ao aonnaba ma kanoana a na kuneaki.

2.Betero 3:14

Ma ngaia aei, ngkami aika kam tangiraki, ngkai kam tiku ni kakantaninga, ao kam na kakorakoraingkami b'a kam aonga n noraki i rouna b'a akea baarekami ke te bae buakaka iroumi, ao kam rau ni maiumi

Te Kaotioti 3:3

Ma ngaia ae ko na uringa aron are ko reireiaki iai ma are ko ongo; ao ko na taua, ao raira nanom. Ma ngaia aei, ngkana ko aki kamarurungko, ao ae N na nako im n ai aron te tia iraa, ao ane ko na bon aki ata te aoa ae N na roko iai i roum.

1.Tamuera 25:36

Ao e nako Nei Abikaira n oki nakon Nab'ara, are e bon mena ni mwengana ni karaua ni kukurei n ana baka n am'arake ae e karaoia ae kaanga ai aron ana baka te uea. E mooi manging ao akea te b'ai ae e riki i rouna, ma ngaia are, akea te b'ai teuana ae e karakinna neierei nakoina ni karokoa te moaningabong are i mwiina.