Ruka 21:19 - Te B'aib'ara

¹⁹ Ane kam na kareke maiumi n nanom'aakami.

Ruka 21:19 ပူးပေါင်းရင်းမြစ်များ

Taian Areru 37:7

Taotaona nanom ao kaantaninga te UEA; Tai kabonoa nanom irouia akana rikirake kab'aiaia, Ke irouia akana kokoro bukin aia iango nako aika bubuaka.

Taian Areru 40:1

I kakantaninga ana buobuoki te UEA: E kakauongo nako iu, ao E ongo au weewete;

Ab'akuka 3:16

I bane n ongo baikai ao I riki n ruru iai; a ruru matanriau ni maaku. E keerikaaki korakoran rab'atau ma n rurubenebene waeu. N na tataninga ma te rau, n taningaa rokon te tai are E na oroia iai te Atua koraki akea a buakanira.

Mataio 10:22

ao ane kam na ribaaki irouia aomata ni kabaneia i bukin arau. Ma ane nanom'aka ni karokoa matena, ao e na kamaiuaki.

Mataio 24:13

Ma ane nanom'aka ni karokoa te toki, ao e na kamaiuaki.

Ruka 8:15

Ao i bukiia ake n te tano are raoiroi, akanne bon te koraki ake a ongo te taeka ao a taua ni kamatoa ma te nano ae koaua ae raoiroi, ao a kariki uaa i bukin aia taotaonaki n nano.

I-Rom 15:4

B'a b'aai ni kabane ake a koreaki ngkoa a koreaki i bukin reireiara, b'a e aonga n reke iroura te kaantaninga n taekan te taotaonaki n nano ma te kaunga nano n te B'aib'ara.

I-Rom 2:7

Nakoia ake a ukoukora te neboaki ma te karineaki ma te aki-mamate, n aia botum'aka ni kakaraoi m'akuri aika raoiroi, ao te maiu are aki toki.

I-Rom 5:3

Ao tiaki ti aei, ma ti kakatonga n taian rawawata aika ti taonaki iai, ngkai ti ata te rawawata b'a e karika taotaonan te nano;

I-Rom 5:4

ao taotaonan te nano boni ngaia ae kaotira b'a ti tokanikai i aon te kataaki, ao te kataaki e karika te kaantaninga;

I-Rom 8:25

Ma ngkana ti kaantaninga te bae ti tuai n noria, ao ti kakariaria ma te taotaonaki n nano.

1.I-Tetaronike 1:3

ngkai ti aki toki, i matan te Atua are Tamara n ururinga ami m'akuri ae kanoan ami onimaki, ma ami m'akuri korakora ae kanoan ami tangira, ao ami kaantaninga ae nene i nanon ara Uea are Iesu Kristo.

2.I-Tetaronike 3:5

Ao E na kairi nanomi te Uea nako nanon ana tangira te Atua, ao nako nanon nanom'aakani Kristo.

Ebera 10:36

E riai b'a kam na nanom'aka, b'a kam aonga ni karaoa nanon te Atua ao e na reke i roumi iai te baere e taekinaki n te taeka n akoi.

Ebera 6:11

Ma ti tangiringkami n tatabemaningkami nako b'a kam na kaota te ingainga n nano ae ti te arona ni karokoa te toki, b'a kam aonga ni koaua raoi ni b'aai aika kam kaantaningai b'a a boni koaua:

Ebera 6:15

Ao i bukin aron Aberaam n taotaona nanona, ao e a reke i rouna mwin te taeka n akoi arei.

Iakobo 1:3

ngkai kam ata kataan ami onimaki b'a e karika te nano m'aaka.

Iakobo 1:4

Ao ke e kakororaoa raoi ana m'akuri te nanom'aaka i nanomi, b'a kam aonga ni kororaoi n akea kab'akami, ao kam aki kainano n te b'ai teuana.

2.Betero 1:6

n raona ami atatai n te taotaonaki n nano mani baika e tangiri te rab'ata; n raona ami taotaonaki n nano mani baika e tangiri te rab'ata n te nanom'aka; n raona ami nanom'aka ni maiumi ni Kristian;

Te Kaotioti 1:9

Ngai ae Ioane, ae tarimi, ae raomi n uaia n rawawata ma ni kaaina Ueani Kristo ma ni b'aina te nanom'aka ngkai ti reitaki ma Iesu, I mena i aon te abam'akoro ae Batemoti, i bukin ana taeka te Atua ao i bukin naba te koaua are E tataekinna Iesu

Te Kaotioti 13:10

Ngkana iai ane katauaki b'a te taenikai, ao ke e nako b'a te taenikai; ao ngkana iai ane kamatea te aomata n te kabaang, ao e na kamateaki naba n te kabaang. Nanona ngkanne, b'a ake a itiaki a riai n teimatoa n aia onimaki.”

Te Kaotioti 14:12

Aei te nanom'aaka ae kaantaningaki mairouia ake a itiaki, ake a tauu ana tua te Atua, ma ni kakaonimaki nakon Iesu.

Te Kaotioti 3:10

Ngkai ko a tia ni kawakina au taeka nako im b'a ko na nanom'aka, ao N na kawakiniko naba man te aoa ni kaririaki are nangi roko i aon te aba ni kabuta, ni kataia ake a maeka iai.