Ruka 21:12 - Te B'aib'ara

¹² Ma i m'ain rikini baikai, ao ane a na tuangngkami ao a na b'ainikiriningkami; a na anga ngkami nakoia mataniwi ni m'aneabaia I-Iutaia, ao a na kainingkami i nanoni karabuuti; ao ane kam na kateaki i mataia uea ma taan tau-taeka i bukin arau.

Ruka 21:12 ပူးပေါင်းရင်းမြစ်များ

Mataio 22:6

ao nikiraia a tauia ana toro, ao a b'ainikiriniia, ao a kamateia.

Mataio 24:8

Baikai ni kabane kaanga ai aroni moani maraki ake a namakinaki n ana tai te ataei ni bungiaki.

Ruka 21:11

Ane e na roko m'aiein te aba ae korakora, ao a na roko roongo ma aoraki aika kamamate n taabo tabeua; ao ane a na roko baika kakamaaku ma kanikina aika ab'ab'aki mai karawa.

Ioane 15:20

Kam na uringa te taeka are I atongnga nakoimi are kaangai, ‘E aki kakannato riki te toro nakon ana uea.’ Ngke a b'ainikirinai, ao a na boni b'ainikiriningkami naba; ngke a ongeaba nakon au taeka, ao a na bon ongeaba naba nakon ami taeka.

Ioane 15:21

Ma ane a na karaoi baikai ni kabane nakoimi i bukin arau, b'a a aki ata Teuare kanakomaiai.

M'akuri 22:30

Ngke e a ingabong, ao e kan ata koauani bukin are e bukinaki iai B'auro irouia I-Iutaia teuare aia mataniwi tautia; ma ngaia are e kab'araa B'auro, ao e tuangiia ibonga ake mataniwi ma kaain te Tanirim ni kabaneia b'a a na botaki; ao e kaira rio B'auro, ao e kaaki i mataia.

M'akuri 5:40

Ao a weteia taan tuatua, ao a kataereia; ao a kanakoia ngke a tia n tuangiia b'a a na aki reirei n aran Iesu.

M'akuri 8:3

Ma Tauro e kataia n urua te ekaretia: e rin i nanon auti nako ni katikiia nako kaain te ekaretia aika mm'aane ma aine, ao e kaakiia i nanon te karabuuti.

M'akuri 9:4

E b'aka Tauro i aontano, ao e ongo te b'ana ae kaangai nakoina, “Tauro, Tauro, ko aera ngkai ko b'ainikirinai?”

1.Betero 2:13

I bukin te Uea ao kam na ongeaba nakon tuan taian tautaeka nako: b'a tao nakon te king

Te Kaotioti 2:10

Ko na tai makui baika ko nangi maraki iai; noria, ane e nang kaakiia tabem'aang i buakomi te riaboro i nanon te karabuuti, b'a kam aonga ni kataaki iai, ao tengaun ami bong ni maraki iai. Ko na kakaonimaki ni karokoa matem, ao N na anganiko te bau are te maiu.