Ruka 20:37 - Te B'aib'ara

³⁷ Ni kaeti ma taekaia maate ake a manga uti, e a kateretereaki irouni Moote n taekan te kai, are e atonga iai te Uea ‘b'a Atuan Aberaam, ao Atuan Itaaka ao Atuan Iakob'a.’

Ruka 20:37 ပူးပေါင်းရင်းမြစ်များ

Karikani B'aai 17:7

“N na kakawakina au Berita ma ngkoe, ao nakoia naba kanoam n rooro aika na roko b'a te boraraoi ae akea tokina. N na riki b'a Atuami, ao Atuaia naba ami bakatibu.

Karikani B'aai 28:13

Ao e tei te UEA i rarikina, ao E taku, “Boni Ngai te UEA, are Atuan Aberaam, ao Itaaka. N na anganiko ma am kariki te aba aei ae ko wene iai.

Karikani B'aai 28:21

ao ngkana arona b'a I okirikaaki nakon au auti ma te rau, ao Ko na riki b'a Atuau.

Karikani B'aai 32:9

Ao e tataro Iakob'a ao e taku, “Atuan tibuu are Aberaam, ao Atuan tamau are Itaaka, ongora irou. Ko tuangai te UEA b'a N na nako n okira abau nakoia au koraki, ao Ko na kanakoraoi b'aai ni kabane i buku.

Te Otinako 3:15

Ko na tuangiia b'a bon te UEA Ngai ae Atuaia aia bakatibu, Atuan Aberaam, Itaaka, ao Iakob'a, ae I kanakoko nako ia. Bon aei arau n aki toki, Aio arau ae a na aranai iai rooro aika rimwi.

Te Tua-Kaua 33:16

E kan anganingkami uaan te aba aika rangi n raraoi te UEA are kaoti ngkoa man te kai ae bue, ao a na toka i aon atuun Ioteb'a kaanga ana baunuea te natinuea.