Ruka 20:36 - Te B'aib'ara

³⁶ A na riki b'a ai aroia anera ao a na aki kona ni manga mate, ao natin te Atua ngaiia ngkae e a reke i rouia te manga-maiu.

Ruka 20:36 ပူးပေါင်းရင်းမြစ်များ

Itaia 25:8

E na kamaunaa m'aakan te mate te UEA ae Moan te M'aaka ao e na kaoi rannimata ni kabane. E na akea te tabo ae e na manga karawaawataaki iai ana Aomata Bon ana taeka te UEA!

Otea 13:14

E bon riai Irou Ngai ae te UEA b'a N na kamaiungkami man te mate ma te ruanimate? I aki! I wetea te mate ma te ruanimate b'a e na oreingkami kaanga rokon te kai. I rawa ni kaota te nanoanga.

Tekaria 3:7

N na karikiko b'a te tia tararuaa te tembora, n reitaki ma katawanangin te tembora are e katobibia ngkana ko ongotaeka raoi irou, ao ko na kariaiakaki n taetae n taai n aki akaaka ma te anera ae e tei i rarikiu.

Mataio 22:30

B'a a aki iein aomata n te tai ni manga-uti, ao a aki kaieinaki naba; ma a na riki n aroia anera ake i karawa.

Mareko 12:25

B'a ngkana a manga uti man te mate ao a aki kona n iein ke ni kaieinaki, n ai aroia anera ake i karawa.

I-Rom 8:16

Ao te Tamnei aei E i buobuoki ma tamneira ni kaotiotira b'a natin te Atua ngaira;

1.I-Korinto 15:26

Te kabanea ni kairiribai are na kamaunaki bon te mate.

1.I-Korinto 15:42

Ao ai aron naba manga utiia maate. E na mka te rab'ata are taunaki, ma ngke e a manga uti, ao ai te rab'ata ae aki kona ni mka.

1.I-Korinto 15:49

Ao ngkai ti katotonga aron te aomata are karikaki man te tano, ao ti na manga katotonga naba aron te Aomata are mai karawa.

I-Biribi 3:21

are E na oniki rab'atara aika mangori, b'a a na riki n ai aron rab'atana ae mimitong, ni kabonganaan te m'aaka are E kona iai n tauu taekani b'aai ni kabane.

Te Kaotioti 20:6

E a kab'aia ane e reke nena n te moa ni manga-maiu; bon ana aomata ni koaua te Atua. Akea m'aakan te mate are te kauoua i aoia aomata aika ai aroia aikai: a na riki b'a ana ibonga te Atua ma Kristo, ao a na uea ma Ngaia tengaa te ririki.

Te Kaotioti 21:4

E na kabane rannimataia te Atua ni kaoi mai mataia; ao akea te mate ae na riki, ao e na akea naba te nanokawaki, ma te tang, ma te maraki: b'a a mauna nako b'aai nikawai.”

Te Kaotioti 22:9

Ao e taku nako iu, “Tarataraiko b'a ko na aki taromauriai; bon raom n toro ngai, ao raoia n toro tarim ake burabeti, ma ake a ongeaba nakon taeka aika n te boki aei. Ko na taromauria te Atua.