Ruka 20:35 - Te B'aib'ara

³⁵ ma aomata ake a katauaki b'a a riai ni kaaina te roro ae na roko, ao ni manga uti ngkana a tia ni mate, a aki mare ake mm'aane ao a aki naba ake aine.

Ruka 20:35 ပူးပေါင်းရင်းမြစ်များ

Mataio 12:32

Ane taetae n ekaanako Natin te Aomata, ao e na kab'araaki ana bure; ma ane taetae n ekaanako te Tamnei are Raoiroi, ao e na bon aki kab'araki ana bure n te aonnaba aei, ke n te aonnaba ae na roko.

Mataio 22:29

Ao E kaekaia Iesu ni kangai: Kam kairua! I bukina b'a kam aki ata kanoan te B'aib'ara, ke m'aakan te Atua.

Mareko 10:42

E weteia Iesu nako Ina ao E taku nako ia, “Kam ataia b'a te koraki ake a katauaki b'a taan tautaeka i aoia aomata aika tiaki I-Iutaia bon iai m'akaia i aoia, ao aia aomata ake a kakannato a kabonganai m'akaia i aoia.

Mareko 12:24

E kaekaia Iesu ao E taku, “Kam a kairua ra! Ao kam ataia b'a bukin tera? I bukina b'a kam aki ata te B'aib'ara ke m'aakan te Atua.

Ruka 16:8

Ao te mataniwi, e kamoamoa te manatia are e aki b'aina te eti i bukin iangoraoina; b'a a wanawana riki natin te aonnaba aei n aroia n reitaki ma aia roro nakoia natin te oota.

Ruka 21:36

Ma kam na tantani n taai nako ao tataro b'a e aonga n reke i roumi te marurung are kam na kona iai ni biri nako mani baika nang roko, ao te kona n tei i matan Natin te Aomata.

Ioane 5:29

ao a na oti nako mani neia ni mate: akana tia ni karaoa ae e raoiroi nakon te maiu, ao akana tia ni karaoa ae buakaka nakon te rekenikai.”

M'akuri 24:15

Boni iai ae I kaantaningaia mairoun te Atua, ae a kaantaningaia naba: b'a iai te manga-maiu irouia aomata aika raoiroi ma aika buakaka aika tia ni mate.

M'akuri 5:41

Ma ngaia are, a nako man te Tanirim ma te kim'areirei, b'a a kona n atongaki b'a a tau ni kamaamaaeaki i bukin te ara ae Iesu.

2.I-Tetaronike 1:5

E a kaotaki ni baikai b'a e eti ana moti te Atua b'a kam aonga n atongaki b'a kam tau n anganaki Uean te Atua, are kam b'ainikirinaki i bukina.

Ebera 11:35

a manga reke irouia aine aia koraki ake a tia ni mate ngke a a manga uti. Ao tem'angina a kataereaki ni karokoi mateia, ngke a rawa ni kani kainaomataki, b'a a aonga n reke i rouia te maiu ae raoiroi riki ngkana a manga uti.

Te Kaotioti 3:4

Ma iai araia tem'angina i roum ikanne i Tareteiti ake a tuai ni kabaarekai kunnikaia: a na nakonako ma Ngai ni kunnikaiia ni kunnikai aika mainaina, b'a a bon tau.