Ruka 20:25 - Te B'aib'ara

²⁵ Ao E taku nako ia, “Ma ngaia ae kam na angani Kaitara akana ana b'ai Kaitaraa, ao angan te Atua akana ana b'ai te Atua.”

Ruka 20:25 ပူးပေါင်းရင်းမြစ်များ

Taeka n Rabakau 24:21

Natiu, kam riai ni karinea te UEA ao te uea, ao kam na aki iraorao ma aomata aika a kakaitaraia nakon temanna mai buakoia uakanne.

Mataio 17:27

Ma ti aki kani kauniia aomata aikai. Ma ngaia ae ko na nako n te nama, ao tewea nako am ao ma matauna, ao anaa te moa n ika ane teke; ao ngkana ko kaurea wina, ao ane ko na kunea te m'ane iai. Ko na anaia ao anganiia i buku ao i bukim.”

Mataio 22:21

A kaeka ao a taku, “Kaitaraa.” E taku ngkanne nako ia, “Ma ngaia ae kam na angani Kaitaraa akana ana b'ai Kaitaraa; ao angan te Atua akana ana b'ai te Atua.”

Mareko 12:17

E taku ngkanne Iesu, “Angan te uea n Rom b'aai akana ana b'ai te uea n Rom, ao angan te Atua b'aai akana ana b'ai te Atua.” Ao a mimi iroun Iesu.

Ruka 20:24

“Kaota te m'ane ane te tirewa nako iu. Antai tamneina aei, ao antai korobokiana aei?” Ao a kaeka, ni kangai, “Kaitara.”

M'akuri 5:29

Ao a kaeka Betero ma taan tuatua ni kaangai, E riai riki iran nanon te Atua nakon iran nanoia aomata.

1.I-Korinto 10:31

Ma ngaia aei, b'a ngkana kam am'arake ke kam moi, ke kam karaoa riki te b'ai teuana, ao kam na karaoi ni kabane i bukin neboakin te Atua.

1.Betero 4:11

ngkana e taetae temanna, ao e na taetae n atong ana taeka te Atua; ngkana e akoa te aba temanna, ao e na karaoi n ai aron te konaa ae E anganna te Atua; b'a E aonga n neboaki te Atua ni b'aai ni kabane i bukin Iesu Kristo, are ana b'ai te neboaki ma te tautaeka n aki toki. Amen.