Ruka 20:13 - Te B'aib'ara

¹³ E taku ngkanne teuare ana b'ai nneni kureebe, “Tera ae N nang karaoia? N na kanakoa natiu ae tangiraki i rou; tao a na karinea!”

Ruka 20:13 ပူးပေါင်းရင်းမြစ်များ

Itaia 5:4

Tera riki ae N na konaa ni karaoia nakon au nne n aroka ni kureebe? I kaantaningai kureebe aika a karewerewe, ma ai tenaan kureebe aika a maai aika a maiu i nanona ni kabane.

Ieremia 36:3

ao warekia nako ia kaain Iuta. Tao e na toki iai karaoan te bure ngkana a ongo Au babaaire aika N nang karaoia nako ia. Ao ngkana a oki nako iu, N na kab'araa aia bure.”

Ieremia 36:7

E bono nanon te UEA, ao ngkana a ongo aomata arona ni katuaaia, ao tao a na bae ni buubuti kab'araan aia bure.

Etekiera 12:3

Ma ngaia are, ngkana e nang roo, ao aio te b'ai ae I tangiria b'a ko na karaoia. Ko booboti am b'ai kaanga ai aron ae ko nang uotaki nako b'a te taenikai. Ao i mwiina, ko na otinako nakon te tabo ae a na ko naa n nooriko iai ao ko na nakonako man te tabo teuana nakon te tabo teuana. B'a tao a na bae n kauringaki aroia ni kakamangao ngkana a matakuakiniko.

Otea 11:8

Iteraera, I aki konaa ni kanakoko. I aki konaa ni kaaki taekam. N na kangaa ni konaa n uruaniko n aron are I karaoia nakon te kaawa are Atema ao Teboiim? I aki kona ni karaoia E nang korakora nanou i bukimi.

Otea 6:4

Kaain Iteraera ma Iuta, tera ae I konaa ni karaoia i bukimi? E a tia ni mauna nako tangirau iroumi e waekoa riki ni m'arua nakon te mabubu ke te aoi n otin taai.

Mataio 17:5

Ngke e tabe n taetae Betero, ao akea b'a e a kaoti naba te nang ae raneanea, ao e b'aka nuuna i aoia. E roko te b'ana man te nang ae kangai, “Natiu Teuaei ae tangiraki i Rou, ae I kakatonga i Rouna; kam na ongo i Rouna!”

Mataio 3:17

ao noria te b'ana mai karawa ae kangai, “Natiu aei ae tangiraki i Rou, ae I kakatonga i Rouna.”

Ruka 18:2

Ao E kangai, “Iai n te kawa teuana temanna te tia moti ae aki mamaaka te Atua, ao akea naba kubaraia aomata i rouna.

Ruka 18:4

Ao ngaia e kamanna n rawa; ma rimwi, ao e taku i nanona, “E ngae ngke I aki maaka te Atua ao n aki kubariia aomata,

Ruka 20:12

Ao e a manga kanakoa te kateniman; ao ngaiia a kaikoakia ao a tewea nako mani nneni kureebe.

Ruka 20:14

Ma ngke a noria taan ribana, ao a iango i rouia, ao a kangai, “Ai ngaia aei te tia b'aib'ai i mwin tamana; ti na kamatea, b'a ti aonga ni b'aina ana b'ai!”

Ruka 9:35

Ao e roko te b'anaa man te nang ae kangai, “Aio Natiu, ae rineaki i Rou. Kam na ongo i Rouna!”

Ioane 1:34

I a tia n noria ao n tataetae ni kakoaua i bukina: bon Natin te Atua Ngaia.”

I-Rom 8:3

B'a te bae e aki kona ni karaoia te Tua ngke e mamara i bukin te rab'ata, ao E karaoia te Atua: b'a E kanakoa bon Natina ma rab'atana ae ai aron rab'atara ae bubure, b'a E na motika taekan te bure ae n te rab'ata ni kabuakakaa, ao b'a E na kamaunaa te bure.

I-Karatia 4:4

Ma ngke e a koro raoi taina, ao te Atua E kanakoa Natina. E bungiaki iroun te aine, ao E mena i aan te Tua,