Ruka 2:47 - Te B'aib'ara

⁴⁷ E ongora i rouia, ao E titirakiniia; ao ake a ongo i Rouna a mimi n rabakauna ma ana kaeka titiraki.

Ruka 2:47 ပူးပေါင်းရင်းမြစ်များ

Taian Areru 119:99

I rabakau riki nakoia au tia reirei ni kabaneia, i bukin ae I iaiangoi am Taeka.

Mataio 13:54

Ao ngke E roko n ana kawa, ao E reireiia aomata i nanoni m'aneabaia, ao a mimi aomata ake a ongora i Rouna ao a taku, “E reke maia iroun Teuaei te rabakau aei ma te kona ni karaoi m'akuri aika kamimii aikai?

Mataio 22:33

Ao ngke a ongo aomata aika bati, ao a mimi n ana reirei.

Mataio 7:28

Ngke E a tia n atong taeka aikai Iesu, ao a mimii aomata n arona n reirei.

Mareko 1:22

Ao a mimi aomata n ana reirei: b'a E reireiia n ai aron ae m'aaka, ao tiaki n ai aroia taani koroboki.

Mareko 11:18

A ongo taekan aei ibonga ake mataniwi ma taani koroboki; ma ngaia are a ukoukora te anga are a na kamatea iai Iesu. A makua, i bukina ngke a mimi aomata n ana reirei.

Mareko 6:2

Ao ngke e roko te Taabati, ao E moanna n reirei i nanoni m'aneabaia I-Iutaia; a m'aiti aomata ake a mena ikekei, ao ngke a ongora i Rouna ao a bane ni mimi. A taku, “A reke maia baikai iroun Teuaei? Ao te rabakau ra ae E anganaki? B'a a karaoaki baika kamimii aika ai aron aikai ni baina!

Ruka 2:18

ao ake a ongo, a mimi n te baere a taekinna taani kawakin tiibu nako ia.

Ruka 2:46

Ao i mwin tenibong ao a noria n te um'antabu b'a E tekateka i buakoia taan reirei.

Ruka 4:22

A bane aomata ni kaoti kukurein nanoia i Rouna n aia taeka, ao a mimi n taeka aika nako mai wiina b'a a kamaiu nano; ao a taku, “Tiaki natin Ioteb'a Teuaei?”

Ruka 4:32

ao a mimi n ana reirei, b'a e m'aaka ana taeka.

Ioane 7:15

A mimi i rouna I-Iutaia, ao a taku, “E kanga n reke rabakaun te aomata aei, ao E aki rereireiaki?”

Ioane 7:46

A kaekaia bureitiman ao a taku, “Akea ma ngkoa ae aron Teuaei ngkana E taetae!”