Ruka 2:46 - Te B'aib'ara

⁴⁶ Ao i mwin tenibong ao a noria n te um'antabu b'a E tekateka i buakoia taan reirei.

Ruka 2:46 ပူးပေါင်းရင်းမြစ်များ

1.Uea 12:12

Ao i mwiin tenibong ao a oki Ieroboam ma raona tabem'aang.

1.Uea 12:5

Ao e taku Reoboam, “Kam na anganai au tai ni iangoa kaekaana i nanon tenibong, ao kam a manga oki b'a ti na tuangngkami boona.”

Itaia 50:4

E anganai te UEA ae te Atua taeka ni koaua i bukin kaungaan nanoia aika a mamaara. E katoa ingaabong ni kautai ao I tangiria n kamateb'aia ana reirei;

Mataio 12:40

B'a aron Iona ngke e mena i nanoni biroton te ika ae rangi ni buubura tenibong te ngaina ao tenibong te bong, ao ai aron naba Natin te Aomata: b'a e na mena i aantano tenibong te ngaina ao tenibong te bong.

Mataio 16:21

Man te tai arei, ao E moa ni kaotia Iesu nakoia ana reirei, “B'a e riai nakona nako Ierutarem ao b'a E na bati kamarakana irouia unimm'aane ma ibonga ake mataniwi ma taani koroboki, ao b'a E na kamateaki, ao E na manga kamaiuaki n te katenibong.”

Ruka 2:47

E ongora i rouia, ao E titirakiniia; ao ake a ongo i Rouna a mimi n rabakauna ma ana kaeka titiraki.

Ruka 5:17

Ao n te bongina, ngke E tabe n reirei Iesu, ao iai B'aritaio ma taan reirei taekan te tua ake a tekateka ni kaan ma Ngaia. A roko mani kawan nako Kariraia ao Iutaia, ao mai Ierutarem; ao iai i Rouna m'aakan te Atua are E kona iai ni kakamaiu.

Ioane 3:10

E kaeka Iesu ao E taku nakoina, “Te tia reirei ngkoe i buakoia Iteraera, ao ko aki atai naba baikai?

M'akuri 5:34

Ma e teirake te B'aritaio temanna ae kaain te Tanirim, ae arana Kamariera, ae te tia reirei taekan te tua, ae karineaki irouia aomata ni kabaneia, ao e tua b'a a na kaotinakoaki taan tuatua, ao a na tiku i tinaniku n te tai ae aki maan.

1.Timoteo 1:7

A kan riki b'a taan reirei i bukin te Tua. Ma a aki ata te baere a taekinna, ma baike a kawimatoaia iai.