Ruka 2:34 - Te B'aib'ara

³⁴ ao e taetae Timeon ni kakab'aiaia ao e taku nakon Nei Maria are tinana, “Noria, e na riki te teei aei b'a b'aini kamaunaia ao kamaiuaia aika bati i buakoia Iteraera, ao te kanikina are a na taetae n ekianako aomata aika bati.

Ruka 2:34 ပူးပေါင်းရင်းမြစ်များ

Karikani B'aai 14:19

E kakab'aiaa Aberam Merekitereka ao e taku, “Ke e kakab'aiaa Aberam te Atua ae Moan te Rietaata are karaoa karawa ma aonnaba!

Karikani B'aai 47:7

Ngaia are, e a kaira tamana ma tarina Ioteb'a nakon te uea, ao e anga ana taeka ni kakab'aia Iakob'a nakon te uea,

Te Otinako 39:43

Ao e tuoi b'aai nako Moote, ao e nooria b'a a tia ni karaoi n aron Ana mwioko te UEA. Ma ngaia are, E a taetae ni kakab'aiaia Moote.

Itaia 8:18

Ngai ma natiu bon taian kanikina ni kauring nakoia Iteraera mai roun te UEA ae Moan te M'aaka, are e maeka n te Maunga are Tion.

Otea 14:9

Ngkana kam wanawana, kam na ataa nanon te b'ai ae I nanonna. Bon te UEA Ngai, ao I kairingkami n te kawai ae e eti. Ti na kaai n nakonako ngkana kam ongotaeka Irou, ma e na toki waemi ngkana kam buakaka.

Mataio 11:19

E roko Natin te aomata n am'am'arake ma ni momooi, ao a kangai, Noria, te aomata ae buabeka ao te tia korowawa ni mamanging; raoraoia taan anai taekiti ma aomata aika buakaka. Ma e ngae n anne, ao rabakaun te Atua e a kaotaki b'a e koaua n uaana.

Mataio 12:46

Ngke E taetae Iesu nakoia aomata, ao noria, a tei i tinaniku tinana ma tarina nako, ao a tuatua b'a a kan taetae ma Ngaia.

Mataio 21:44

Ao ane b'akara te atibu aei, ao e na m'aototo iai; ma ngkana e b'akara temanna, ao ane na kamanatua ni kamantintia.

Mataio 27:63

ao a taku, “Teuae karineaki, ti uringa ana taeka te tia bureburea-te-aba arei, ngke E kangai n ana tai ni maiu: I mwin tenibong, ao N na manga uti.

Ruka 2:35

ao ngkoe ane ko na rotaki naba n te rawawata, b'a a bane ni kaotaki aia iango aika raba.”

Ioane 3:20

B'a ane kakaraoa ae buakaka ao e ribaa te oota, ao e aki nako n te oota, b'a a kaawa ni kaotaki ana m'akuri b'a a bubuaka.

Ioane 5:18

Ana taeka Iesu aikai, e a kakorakora riki kani kamateana irouia I-Iutaia: b'a E aki ti urua tuan te Taabati, ma E atonga te Atua b'a Tamana, ao n te aro aei E a karaoia iai b'a ti te bo Ngaia ma te Atua.

M'akuri 13:45

Ma ngke a nooriia aomata aika bati I-Iutaia, ao a rangi ni bakantang; a kakewei taeka ake a atongaki irouni B'auro, ao a kabuakaka B'auro.

M'akuri 17:6

Ao ngke a aki reke i rouia, ao a katika Iaton ma taari tabem'aang nakoia taan taua taekan te kaawa arei, ao a takarua ni kaangai, “A roko naba ikai uake a kakiriwe n taabo nako,

M'akuri 24:5

B'a ti kunea te aomata aei b'a e iowawa: e karika te kiriwe i buakoia I-Iutaia ni kabaneia i aon aaba nako, ao ngaia mataniwin te botaki ae a atongaki kaaina b'a Natarene;

M'akuri 28:22

Ma ti kan ongo mai roum am iango, b'a n aron ae ataaki iroura ao e taekinaki ni kabuakakaki te Aro aei n taabo nako.”

M'akuri 4:26

A katauraoia uean aonnaba, Ao a botaki mataniwin tautaeka, b'a a na eekaanako te Uea ma ana Kristo.

M'akuri 6:7

E buta nako ana taeka te Atua, ao a bati riki ake a ongo ao a onimaki: a kabatiaki m'aitiia aomata ake a onimaki i Ierutarem, ao a m'aiti aia koraki ibonga ake a butim'aea taekan te euangkerio.

I-Rom 9:32

B'a e aera? I bukina b'a a aki kataia ni karekea ni kawain te onimaki, ma a kataia ni karaoia ri nanon te tua. A reke waeia n te “atibu ni katatata” ao a tata nako iai;

1.I-Korinto 1:23

Ao ngaira ti tataekina Kristo are kamateaki n te kaibangaki, ae te b'ai ni kab'akab'aka nakoia I-Iutaia, ao te nanobaba nakoia aika tiaki I-Iutaia;

Ebera 7:1

Merekitereka arei bon uean Tarem, ao ana ibonga te Atua are Moan te Rietaata. Ngke e oki Aberaam man te buaka are e kamateia iai uea, ao e kaitibo Merekitereka ma ngaia, ao e kakab'aiaki irouni Merekitereka;

Ebera 7:7

E bane n ataaki b'a te aomata are anga te kakab'aia e kakannato riki nakon are e kakab'aiaki.

1.Betero 4:14

Ngkana kam tataebuakaki i bukin arani Kristo, ao kam a kab'aia; b'a E mena iroumi te Tamnei ae kamimii arona, ae Tamnein te Atua.

1.Tamuera 2:20

E aki toki Eri ni kakab'aia Erekana ma buuna ni kaangai, “E bungiaki Tamuera b'a kabooan ami tataro. Ngkai kam a tia n anga ngaia nakon te UEA. I tataro b'a E na kakab'aiaingkami te UEA ma n anganingkami riki natimi aika m'aiti ni kabooa mwiin natimi aei.” Ao ngke e a tia Eri ni kakab'aiaia, ao a oki rikaaki Erekana ma Nei Anna nakoni mwengaia.