Ruka 2:13 - Te B'aib'ara

¹³ Ao a karina naba ni kaoti i rarikin te anera kaaini karawa aika rangi ni m'aiti. A kamoamoa te Atua, ao a kangai,

Ruka 2:13 ပူးပေါင်းရင်းမြစ်များ

Karikani B'aai 28:12

Ao e miia te kaintam'arake ae tei mai aon te aba nako karawa, ma taian anera aika a tam'arake, ao a ruorikaaki i aona.

1.Uea 22:19

Ao e taku Mikaia: Ongora n te b'ai aei. Ao I noora naba te UEA b'a E tekateka i aon ana kaintokanuea ma b'aai ni kabane aika a maiu i karawa b'a a bootaki ni katobibia.

Iobi 38:7

A ikotaki n anene itoi ni karangainan te bong arei, ao a takaarua ni kukurei b'ain karawa.

Taian Areru 148:2

Kam na kamoamoaa, ngkami akana ana anera ni kabaneingkami, akana ana taanga ni buaka i karawa.

Taian Areru 68:17

E roko mai Tinai te Uea ma ana ka ni buaka aika m'aiti kurikuri aika katikitikaki irouia aoti, Ao E rin nako nanon te tabo are tabu.

Etekiera 3:12

Ao e tabekai rake te Tamnei, ao I ongo rebwen te baa i akuu ngke e tabe n nako mimitongin te UEA.

Taniera 7:10

ao e raanga nako te ai mai iai. Ao iai ngaa n aomata aika a m'akuri i bukina, ao mirion aika a tei i matana. Ao e moanaki te kabowi ni motikitaeka, ao a kaukaki taiani boki.

Ruka 15:10

I taku nako imi, “B'a ai arona naba b'a e na iai te kim'areirei irouia ana anera te Atua i bukin te aomata ae buakaka ae ti temanna ae raira nanona.”

Ruka 2:12

Ao aio te kanikina nako imi: ane kam na nora te merimeri ae niraki n te kunnikai ae te ninira, ae e wene i nanoni nneni kanaia maan n am'arake.”

Ruka 2:14

“E na neboaki te Atua ike moan te rietaata! Ao e na mena te rau i aon te aba irouia aomata ake E kukurei i rouia te Atua.”

I-Ebeto 3:10

b'a e aonga ni kaotaki n te ekaretia rabakaun te Atua ae a bati arona nakoia uea ma ake a korakora i karawa,

1.Timoteo 3:16

Ao ti kaotia b'a e kakannato te baere raba are b'ain te Aro ni Kristian: E kaoti n rab'ata, E kakoauaki iroun te Tamnei b'a e eti arona, E noraki irouia anera, E tataekinaki nakoia aomata ni kabaneia; E onimakinaki irouia aomata nako i aonnaba, E uotaki rake ni mimitong.

Ebera 1:14

Tiaki bon tamnei ni kabaneia anera, aika taani m'akuri aika kanakoaki b'a a na buokiia te koraki akana nang karekea te kamaiuaki?

1.Betero 1:12

E kaotaki nakoia burabeti akanne b'a a aki taekini baikai i bukiia, ma a taekin i bukimi, aika baika taekinaki ngkai nakoimi irouia ake a tuangngkami te euangkerio iroun te Tamnei are Raoiroi are kanakomaiakaki mai karawa; aika baika a kan atai naba anera.

Te Kaotioti 5:11

Ao I taratara nako ao I ongo b'anaaia anera aika bati aika katobibia te kaintokanuea ma b'anaaia baike a maiu ma unimm'aane; ao m'aitin te koraki arei tebubua te mirion ao nga ma nga;