Ruka 19:7 - Te B'aib'ara

⁷ Ao a bane ni ngurengure aomata ake a noria, ao a kangai, “E nako n rin b'a E na iruwanaki iroun te aomata ae te tia bure.”

Ruka 19:7 ပူးပေါင်းရင်းမြစ်များ

Mataio 20:11

Ngke e reke i rouia booia, ao a ngurengure iroun teuare kam'akuriia,

Mataio 20:4

ao e taku nako ia, ‘Kam na nako naba nakoni nen te kureebe, ao N na kabooingkami n ae riai.’

Mataio 9:11

Ngke a nora aei B'aritaio, ao a taku nakoia ana reirei Iesu, “E aera ngkae E am'arake ami Tia Reirei ma taan anai taekiti ao aomata aika buakaka?”

Ruka 15:2

A ngurengure B'aritaio ma taani koroboki, ao a kangai, “Te Aomata aei, E butim'aia aomata aika buakaka ao E am'arake ma ngaiia.”

Ruka 19:6

Ma ngaia are e barekia n ruo, ao e butim'aea Iesu ma te kim'areirei.

Ruka 19:8

Ao e tei Takaio, ao e taku nakon te Uea, “Noria, te Uea, N na anga nako iteran au b'ai nako nakoia akana aki kaub'ai; ao ngkana I a tia n anaa te b'ai teuana mairoun temanna n te aro ni babakanikawai, ao N na manga kaokia nako ina ni kaaua te tai m'aitina.

Ruka 5:30

Ao B'aritaio ma taani koroboki a ngureakiniia ana reirei Iesu, ao a taku, “E aera ngkai kam am'arake ao ni mooi ni botaki ma taan anai taekiti ma aomata aika buakaka?”

Ruka 7:34

E roko Natin te aomata ao E am'am'arake ma ni momooi; ao kam kangai, “Nooria, te Aomata ae buabeka ao te tia korowawa ni mamanging; raoraoia taan anai taekiti ma aomata aika buakaka.”

Ruka 7:39

Ao te B'aritaio are kaoa Iesu, ngke e nora te baerei, ao e taku i nanona, “Ngke arona b'a te burabeti Teuaei, ao E na kaman ataia b'a antai te aine aei, ae riingnga, ao arona, b'a te aine ae buakaka.”