Ruka 19:21 - Te B'aib'ara

²¹ B'a I makuko, b'a te aomata ae ko matoatoa ngkoe; ko kareke am b'ai mani mwin aia m'akuri aomata, ao ko boboti uaa n taabo ake ko aki ununiki iai.”

Ruka 19:21 ပူးပေါင်းရင်းမြစ်များ

Ruka 19:20

Ao e roko are temanna ao e taku, “Teuae karineaki, ao aei am m'ane, ae I niiria ni kawakinna n te kunnikai.

Ruka 19:22

Ao ngaia e taku nako ina, “Te toro ae ko buakaka!” “N na kabuakakako man am taeka akana nako mai wiim! Ko ataia b'a te aomata ngai ae I matoatoa b'a I kareke au b'ai mani mwin aia m'akuri aomata ao I boboti uaa n taabo aika I aki ununiki iai.

I-Rom 8:15

B'a te Tamnei are kam anganaki E aki karikingkami b'a tooro, ao E aki karika te maku i nanomi; ma kam anganaki te Tamnei ae e natinaki te aba i rouna, ao ae ti a kona i rouna ni kaangai iai: “Aaba Tamara!”

I-Rom 8:7

B'a nanon te rab'ata bon te riba te Atua, b'a e aki mena i aan ana tua te Atua, ao e bon aki kona;

2.Timoteo 1:7

B'a E aki anganira te Atua te Tamnei ae karikira b'a ti na mamaku; ma E anganira te Tamnei ae kaoniira n te korakora, te tangira, ma te kona n taon nanora nakoni baika e tangiri te rab'ata.

Iakobo 2:10

B'a ane toua mwin te Tua ni kabanea ma e reke burena n teuana, ao e a bukinaki naba iai b'a e aki ira nanon te Tua ni kabane.

1.Ioane 4:18

Akea te maaku i nanon te tangira; ma te tangira ae kororaoi e kaki te maaku. B'a iai rekereken te maaku ma te motikitaeka ni karawawata; ao ane mamaku ao e tuai ni kakoroaki raoi n te tangira.

Iuta 1:15

b'a E na motiki taekaia aomata ni kabaneia, ni kabuakakaia ni kabaneia akana aki reitaki ni maiuia ma te Atua, i bukin aia m'akuri ni kabane aika akea karinean te Atua iai, ake a tia ni karaoi n aki reitaki ma ana kaantaninga te Atua, ao i bukin taeka ni kamaraki nano aika a bukinna iai taani bure aika aki reitaki ma te Atua ni maiuia!”

1.Tamuera 12:20

Ao e taku Tamuera: E ngae ngke kam a tia ni karaoa te bure ma kam na aki maaku. Ma kam na ti iriira nanon te UEA n taai nako ao kam na taromauriia ma nanomi ni kabane.