Ruka 19:18 - Te B'aib'ara

¹⁸ Ao e roko te kauoman, ao e taku, “Teuae karineaki, am m'ane are ko anganai, I a tia ni karekea nimaua riki rakana.”

Ruka 19:18 ပူးပေါင်းရင်းမြစ်များ

Mataio 13:23

Ao are unikaki n te tano are raoiroi bon ane ongo ana taeka te Atua ao e ata nanona; ao e kaoti uaana b'a tatabe bubua ke kaka onobwi ke kaka tenibwi.

Mataio 25:22

Ao e roko teuare anganaki uoua te tarena, ao e taku, “Te toka, ko anganai uoua te tarena; noria, aikai uoua riki te tarena aika I a tia ni karekei.”

Mareko 4:20

Ma tem'angina, a kabotauaki b'a kaanga koraa ake a unikaki n te tano are raoiroi. A ongo te taeka, ao a kaki i nanoia, ao a kariki uaa: tabem'aang kaka tenibwi, ao tabem'aang kaka onobwi, ao tabem'aang tatabe bubua.”

Ruka 19:13

Ma i m'aini m'anangana, ao e weteia ana toro ake tengaun, ao e anganiia aia m'ane tabeua. Ao e taku nako ia, “Kam na kabonganaa ni manga karekea riki te m'ane ni karokoa okiu.”

Ruka 19:17

Ao ngaia e taku nako ina, “E nako raoi am m'akuri, te toro ae ko raoiroi ngkoe! Ngkai ko a tia ni kakaonimaki n ae rangi n uarereke, ao ko na mataniwi i aon tebwina te kawa.”

Ruka 19:19

Ao ngaia e taku nako ina, “Ao ngkoe naba ko na mataniwi i aon nimaua te kawa.”

2.I-Korinto 8:12

B'a ngkana iai te nano ae korakora ni kan anga ao e butim'aeaki te b'ai n akoi n ai aroni m'aitin are e anga te aomata, ma tiaki n ai aron aekan ana b'ai.