Ruka 19:17 - Te B'aib'ara

¹⁷ Ao ngaia e taku nako ina, “E nako raoi am m'akuri, te toro ae ko raoiroi ngkoe! Ngkai ko a tia ni kakaonimaki n ae rangi n uarereke, ao ko na mataniwi i aon tebwina te kawa.”

Ruka 19:17 ပူးပေါင်းရင်းမြစ်များ

Karikani B'aai 39:4

Ao e tatangiria Botib'a, ao e karikia b'a bon ana toro, ma ngaia are, e karikia b'a te tia tararua ana auti ma ana b'ai ni kabane.

Taeka n Rabakau 27:18

Kaawakina raoi te aroka ao ane e na manga anganiko uaana; tararuaa raoi am toka ao ko na neboaki.

Mataio 25:21

E taku ana toka nako ina, “Ko a tia ni m'akuri raoi, te toro ngkoe ae ko raoiroi ae ko kakaonimaki. Ko a tia ni kakaonimaki nakon te b'ai ae uarereke, N na karaoiko b'a ko na mataniwi i aoni baika bati; ko na rin i nanoni kim'areirein am toka!”

Ruka 16:10

Ane kakaonimaki n ane moan te uarereke, ao e kakaonimaki naba n ane moan te ab'ab'aki; ao ane aki b'aina te eti n ane moan te uarereke, ao e aki b'aina naba te eti n ane moan te ab'ab'aki.

Ruka 19:16

E kaoti te moa n aomata i matana, ao E taku, “Teuae karineaki, am m'ane are ko anganai I a tia ni karekea riki tebwina rakana.”

Ruka 19:18

Ao e roko te kauoman, ao e taku, “Teuae karineaki, am m'ane are ko anganai, I a tia ni karekea nimaua riki rakana.”

Ruka 22:30

b'a kam aonga n am'arake ma ni moi n au taibora n Ueau, ao n tekateka i aoni kaintokanuea b'a kam na motiki taekaia aia baronga Iteraera ake tengauni ma ua baronga.

I-Rom 2:29

Ma te I-Iutaia ni koaua bon te aomata ae te I-Iutaia i nanona; ao te korotabonimm'aane ni koaua boni b'ain te nano, ae e nako mairoun te Tamnei, ma tiaki kanoan te Tua. E reke kamoamoakin te aomata aei mairoun te Atua ma tiaki mairouia aomata.

1.I-Korinto 4:5

Ma ngaia ae kam na tai motika taekan te aomata i m'ain taina raoi, are tain rokon te UEA, are E na kaoti b'ain te roo aika raba, ao E na kaoti naba iango aika raba i nanoia aomata. Ao ngkanne ane a na anganaki aomata nako kamoamoaaia mairoun te Atua.

2.Timoteo 2:10

Ma ngaia ae I taona nanou nakoni b'aai ni kabane i bukiia ake a rineaki, b'a a aonga naba ni karekea te kamaiuaki ma te neboaki ae aki toki mairouni Kristo Iesu.

1.Betero 1:7

b'a e aonga n riki kataan ami onimaki, ae kakawaki riki nakon te koora ae kai mauna are e boni kataaki naba n te ai b'a ua ra, b'a kamoamoami ma neboami ma karineami ngkana E a manga oki Iesu Kristo,

1.Betero 5:4

Ao ngkana E a manga oki te Tia Kawakin-tiibu are te Mataniwi, ao e na reke iroumi te bau are te neboaki are aki kona n rai.

1.Tamuera 2:30

Bon te UEA Ngai ae Atuaia Iteraera. I berita b'a n na teimatoa ni kariaia ami utu b'a a na m'akuri b'a ibonga, ma I tuangkami ngkai b'a bon akea riki te b'ai teuana ae I kona ni manga karaoia! I karineia aomata aika a karineai, ma I kamaraiaia akana a ribaai.