Ruka 18:7 - Te B'aib'ara

⁷ Ao te Atua, tiaki E na iri taangaia ake a rineaki i Rouna, ake a tangitangira buokaia ni ngaina ao ni bong? E na kamanna n aki kaekai tangitangiia?

Ruka 18:7 ပူးပေါင်းရင်းမြစ်များ

Taian Areru 88:1

Te UEA ae te Atua, ae au tia kamaiu, I tang nakoim ni ngaina ao ni bong.

Taian Areru 9:8

Ko motika taekan te aba n akea te nanonano, ao Ko karaoa te riai nakon te botannaomata.

Te Otinako 22:23

Ngkana kam karaoa anne, ao ane a na buubutiai buokaia, ao N na roko ni kamaiuia.

Itaia 40:27

Kam kaangai ngkami aika Iteraera, “E bon aki kubariira te Atua! E aki tabeakiniira ngkana e karaoaki ae e aki raoiroi nakoira.” Ma kam na kangaa n taekina anne?

Ab'akuka 2:3

Korobokiia b'a a tuai n roko tain taeka aikai, ma ana bon waekoa ni koro nanoia, ao baika I tuangko ana bane ni koro bukiia. E taraa ni kiriaria, ma tataninga b'a ana bon roko baikai, ao ana bon aki taonaki taiia.

Mataio 24:22

Ao ngke arona b'a a aki kakimototoaki boong akanne, ao bon akea te aomata ae na maiu; ma a kakimototoaki i bukiia ana aomata te Atua ake E a tia n rineia.

Mataio 24:24

B'a ane a na kaoti taiani Kristo ni kewe ma burabeti ni kewe, ao ane a na kaoti kanikina aika ab'ab'aki ma b'aai ni kamimii, b'a a na burebureia ana aomata te Atua ake E a tia n rineia, ngkana a konaiia.

Mataio 7:11

Ngkai kam ata te anganiia natimi baika raraoi, ngkami aika kam buakaka, ao tiaki e m'aiti riki iroun Tamami are i karawa te kan anga baika raraoi nakoia akana butiia?

Ruka 11:13

Ngkai kam ata te angania natimi, ngkami aika kam buakaka, baika raraoi, ao tiaki e m'aiti riki iroun Tamami are i karawa te kan anga te Tamnei are Raoiroi nakoia akana butiia!

Ruka 2:37

E a tia ni mate buuna, ao ai wanibwi ma aua ana ririki ni maiu.

Ruka 21:28

Ngkana a moanna n riki baikai, ao kam na tara rake ao tabeki atuumi, b'a e a kan roko kamaiuami.

I-Rom 8:33

Antai ae iai ana taeka ni bukiniia akana rineaki iroun te Atua? Bon te Atua ae kaetiia.

I-Korote 3:12

Ma ngaia aei, ngkai ana aomata te Atua ngkami aika kam rineaki, aika kam itiaki ma n tangiraki, ao kam na b'aina te nano n nanoanga, te atataiaomata, te nanorinano, te nimamannei, te taotaonaki n nano.

1.I-Tetaronike 3:10

Ti tataro ni bubuti ma nanora n te ngaina ao n te bong b'a ti na nori matami, ma ni karokoraoa ae aki roko raoi n ami onimaki.

2.I-Tetaronike 1:6

B'a te b'ai ae riai iroun te Atua b'a E na karawawataia te koraki ake a karawawataingkami;

1.Timoteo 5:5

Ao te aine ae kananoanga ni koaua, ngkae e mate buna ao e tiku n ti ngaia, e mwiokoa te Atua ni maiuna, ao e botum'aka n tatataro ni bubuti n te bong ao n te ngaina.

2.Timoteo 1:3

I katituaraoa te Atua, ae I toro i rouna ma mataniwin nanou ae itiaki, n ai aron are a karaoia naba au bakatibu. I katituaraoia n taai nako ake I uringko iai n au tataro n te ngaina ao te bong.

2.Timoteo 2:10

Ma ngaia ae I taona nanou nakoni b'aai ni kabane i bukiia ake a rineaki, b'a a aonga naba ni karekea te kamaiuaki ma te neboaki ae aki toki mairouni Kristo Iesu.

Tito 1:1

Ngai ae B'auro, ana toro te Atua, ao ana tia tuatua Iesu Kristo, i bukin aia onimaki ake a rineaki iroun te Atua, ma ataakin te koaua n te Aro ni Kristian.

1.Betero 1:1

Mairouni Betero, ae ana tia tuatua Iesu Kristo, nakoia akana rineaki akana iruwa akana uamaae i Bonto, ao i Karatia, ao i Kabatokia, ao i Atia, ao i Bitunia,

2.Betero 3:9

E aki baenikai te Uea ni karaoa nanon ana taeka n akoi, n ai aron are a taku tem'angina n aia iango; ma E taotaona nanona nakoimi i bukina b'a E aki tangira temanna i buakomi b'a e na mate, ma E tangiriia aomata ni kabaneia b'a a na rairi nanoia.

Te Kaotioti 18:20

Ko na kim'areirei, karawa, n te b'ai ae riki nakoina; ao kam na kim'areirei naba ngkami aika kam itiaki, ma taan tuatua, ma burabeti: b'a E karekei kaina te Atua i bukin te baere e karaoi nakoimi.

Te Kaotioti 6:10

ao a takarua n te b'anaa ae korakora, ao a kaangai, “Te Toka ae Ko tabu ao Ko koaua, ai ti maanraa riki ao Ko a motiki taekaia aomata aika maeka i aon te aba, ma n iri taangara i bukina ngke a kamateira?”

Te Kaotioti 7:15

Ma ngaia ae a memena i aan ana kaintokanuea te Atua; ao a toro i rouna ni ngaina ao ni bong i nanon ana Tembora. Ao Teuare tekateka i aon te kaintokanuea E na kamanoia ni memenana i rouia.