Ruka 18:37 - Te B'aib'ara

³⁷ A tuangnga ni kangai, “E ri rarikim Iesu are te I-Natareta.”

Ruka 18:37 ပူးပေါင်းရင်းမြစ်များ

Mataio 2:23

ao ngke e roko iai, ao e maeka n te kawa are arana Natareta. B'a e na kakoauaki are atongaki irouia burabeti are kangai: “E na aranaki Teuarei b'a kaain Natarene.”

Ruka 18:36

Ao ngke e ongo b'anaaia aomata aika bati ake a rikekei, ao e titirakiniia ake a kaani ma ngaia b'a tera te b'ai ae riki.

Ruka 18:38

Ao ngaia e takaarua ni kangai, “Iesu ae Natin Tawita, Ko na nanoangaai!”

Ruka 2:51

Ao E airi ma ngaiia ao a roko i Natareta, ao E ongeaba nako ia; e tau mwini baikai ni kabane tinana i nanona.

Ioane 1:45

Ao Biribo e kunea Natanaera ao e taku nakoina, “E a reke iroura Teuare koreaki taekana irouni Mote ni bokin te Tua ao irouia burabeti: bon Iesu are te I-Natareta, are natin Ioteb'a.”

Ioane 19:19

Iai taeka ake e tua Birato b'a a na koreaki, ao a kanim'aki i aon te kaibangaki; ao a kaangai taeka akanne: IESU AE TE I-NATARETA AE AIA UEA I-IUTAIA.

M'akuri 2:22

Mm'aane aika Iteraera, kam na ongo taeka aikai: Iesu are te I-Natareta are e kaotaki arona i buakomi b'a iai nakoana mairoun te Atua, are e kateretereaki raoi n taiani m'akuri aika kamimii, ma baika kamimii, ma kanikina, ake E karaoi te Atua i rouna i buakomi, n ai aron are kam bon ataia;

M'akuri 4:10

ao e na ataaki iroumi ni kabaneingkami, ao irouia naba kaain te botannaomata ae Iteraera: b'a n aran Iesu Kristo are te I-Natareta, are kam kamatea n te kaibangaki, are E a manga kamaiua te Atua mai buakoia maate, boni Ngaia ae kamaiua teuae tei ni marurung i matami.

2.I-Korinto 6:2

b'a E kangai te Atua, “I ongo i roum n te tai ae riai, Ao I buokiko n te bongi ni kamaiu.” Noria, ngkai te tai ae riai; noria, ngkai te bongi ni kamaiu.