Ruka 18:32 - Te B'aib'ara

³² B'a ane a na anga nakoia Tientaire, ao ane a na kakanikoa, ao a na iowawa nako Ina, ao a na bawareia.

Ruka 18:32 ပူးပေါင်းရင်းမြစ်များ

Itaia 50:6

I kariaia b'a a na orea nuukau ma ni katika rake buaiu. I aki tannako mairouia ngke a kab'ainrangai ma ni baawarea matau.

Itaia 52:14

A m'aiti aika a maaku n te b'ai are e riki nakoina. Ma a bane ni maaku ake a nooria i bukina ngke e maraki ni karokoa kaanga ai tiaki taraan te aomata,

Itaia 53:3

E ririibaaki ao e katinanikuaki; e onrake maiuna n te nanokawaki ao te rawawata ae e kakamaaku. Bon akea temanna ae e kan tarataraia. Ti kabuakaka ao ti kaangai, “Te aomata n aki akaaka!”

Mika 5:1

Bootia am taanga ni buaka ngkoe ae Ierutarem, b'a ko a katobibiaki irouia am kairiribai. A tia ni buakana Iteraera, ao a orea taban te Tia Tautaeka n te kai.

Mataio 16:21

Man te tai arei, ao E moa ni kaotia Iesu nakoia ana reirei, “B'a e riai nakona nako Ierutarem ao b'a E na bati kamarakana irouia unimm'aane ma ibonga ake mataniwi ma taani koroboki, ao b'a E na kamateaki, ao E na manga kamaiuaki n te katenibong.”

Mataio 20:19

ao a na anga Ngaia nakoia ianena ake a na b'ainingareia, a na kataerea, ao a na kamatea n te kaibangaki; ma E na manga uti n te katenibong.”

Mataio 22:6

ao nikiraia a tauia ana toro, ao a b'ainikiriniia, ao a kamateia.

Mataio 26:67

Ao a bawarea ubuna, ao a oroia; ao tabem'aang a oroia n nanoni baiia,

Mataio 27:2

Ao a kabaea, ao a kairia nako, ao a angani Birato are te tia tau-taeka.

Mareko 14:65

Iai tabem'aang ake a bawareia, ao a rabuna ubuna, ao a oreia ni baiia, ao a taku nako Ina, “Kaotia b'a antai ae oroiko!” Ao bureitiman a oreia n aki akaaka.

Mareko 15:1

Ngke e a tib'a ingabong, ao a kabowi naba ibonga ake a kakannato, ma unimm'aane, ma taani koroboki, ma kaain te Tanirim ni kabanea; ao a kabaea Iesu, ao a kairia nako, ao a angani Birato.

Ruka 18:33

Ane a na kataerea ao a na kamatea, ao E na manga uti n ana katenibong.

Ruka 23:1

Ao a bane ngkanne n tei rake te koraki ao a kaira Iesu nakoni Birato.

Ruka 23:11

Ao Erote ma ana tautia, a kaota te aro n aki karinerine nako Ina, ao a kakanikoa; ao ngkanne a katokaa i aona te kunnikai ae tamaroa, ao a manga kaokia nakoni Birato.

Ruka 23:35

Ao a tei aomata ni mataku; ao aia mataniwi I-Iutaia a kakanikoa Iesu, ao a kangai, “E Kamaiuia aomata, ao ke E kamaiua i bon i Rouna, ngkana ana Kristo te Atua, ae rineaki i Rouna!”

Ioane 18:22

Ao ngke E atonga aei Iesu, ao e a oreia naba temanna irouia bureitiman ni baina, ao e taku, “Ngaia anne arom ni kaekaa aia mataniwi ibonga?”

Ioane 18:28

Ngke e a tib'a ingabong, ao a kaira Iesu man ana auti Kaiaba nakon te Beretoriam. A aki rin aia mataniwi I-Iutaia b'a a rawa n aki itiaki n aron katein te Aro n I-Iutaia, ao n aki kariaiakaki n am'arake n am'araken te Riao.

Ioane 18:30

A kaeka ao a taku nakoina, “Ngke arona b'a akea te m'akuri ae buakaka ae E karaoia, ao ti aki kona n anganiko.”

Ioane 18:32

E riki aei b'a e na kakoroaki bukin ana taeka Iesu are atongnga i bukin aroni matena.

Ioane 18:35

E kaeka Birato ao e taku, “Te I-Iutaia ngai? Bon oin am reeti n aomata ma ibonga ake mataniwi aika anga Ngkoe nako iu; tera ae Ko a tia ni karaoia?”

M'akuri 2:23

E a kaman tia ni baireia te Atua, ao E a kaman ataia naba, ae E na tauaki Iesu nakoimi, ao kam kamatea, b'a kam anga nako nanoni baiia aomata aika riri aon te tua, b'a a na tauria n te kaibangaki;

M'akuri 3:13

Atuan Aberaam, ma Itaaka, ma Iakob'a, are Atuaia ara bakatibu, E neboa Natina are Iesu, are kam anga ao kam kakeaa i matani Birato, ngke e a tia n reke ana baire b'a e na kainaomata.