Ruka 18:22 - Te B'aib'ara

²² Ngke E ongo aei Iesu, ao E taku nako ina, “Teuana riki te b'ai ae akea i roum, Kabooi nako am b'ai ni kabane akana iai i roum ao tib'atib'ai booia nakoia aomata akana akea aia b'ai, ao ane na reke i roum iai am b'ai i karawa; ao nako mai, irirai.”

Ruka 18:22 ပူးပေါင်းရင်းမြစ်များ

Taian Areru 27:4

Teuana te b'ai ae I butia iai te UEA, ae te b'ai ae I tangiria: b'a N na maeka n ana auti ni kabanea bongini maiu, ni mamatakuakina kamimiin raoiroina, Ao ni bubutiia ana kairiiri.

Mataio 19:21

E taku Iesu nako ina, “Ngkana ko kan riki ni moan te raoiroi, ao ko na nako ni kabo nako am b'ai akana iai i roum, ao booia, anganiia akana akea aia b'ai, ao ane na reke i roum iai am b'ai i karawa. Ao nako mai, irirai.”

Ruka 10:42

ma e kainanoaki te b'ai ae ti teuana. E a tia Nei Maria n rinea te tib'a are raoiroi riki, are e na aki anaaki mai rouna.”

Ruka 12:33

Kam na kabo nako ami b'ai, ao anga m'aneia b'a b'ai n tituaraoi nakoia akana akea aia b'ai; kareke ami b'auti-ni-m'ane aika na aki riki ni m'ane, ma baika kakawaki aika na aki kona ni bane i karawa, ike e aki rooroko iai te tia iraa, ao e aki ururu b'aai iai te koa.

Ruka 16:9

Ao I taku nako imi, Kabonganai kaub'aimi aika b'ain te maiu aei b'a b'aini karekeaia raomi; ao ngkana a bane, ao ane kam na m'aneaki n akoaki ni ne ni maeka ake a aki mamauna.

Ruka 18:21

Ao ngaia e kangai, “I tou mwin akanne ni kabane ma ngke te kairake ngai.”

Ruka 18:23

Ma ngke e ongo aei teuarei, ao e taonaki n te nanokawaki, b'a e rangi ni kaub'ai.

Ruka 9:23

Ao E taku nako ia ni kabaneia, “Ane kan ri mwiu, ao ke e kakeaa i bon i rouna, ao ke tabetabeka ana kaibangaki n te bong ae koraki, ao ke e irirai.

I-Biribi 3:13

Taari, I aki taku b'a I a tia n taua; ma te b'ai teuana ae I karaoia, I m'anuokini baika i mwiu, ao I kabanea korakorau b'a N na katiai baika N na karaoi nakon taai aika na roko.

2.Betero 3:8

Ma aei te koaua teuana ae kam na aki m'aninga taekana, ngkami aika kam tangiraki: b'a ti te bo te bong ae ti te bongina ma ririki aika tengaa iroun te Uea, ao ti te bo tengaa te ririki ma te bong ae ti te bongina i rouna naba.