Ruka 18:18 - Te B'aib'ara

¹⁸ Ao E titirakina Iesu temanna te tia tau-taeka, ni kangai, “Te Tia Reirei ae Ko raoiroi, tera te b'ai ae I riai ni karaoia b'a e aonga n reke i rou te maiu are aki toki iai?”

Ruka 18:18 ပူးပေါင်းရင်းမြစ်များ

Etekiera 33:31

Ma ngaia are, a bane n roko n ongora irou, ma a rawa ni karaoa te b'ai are I tuangiia. A taku b'a a bon kakaonimaki, ma a bon teimatoa ni kataia ni baabakanikawai aia m'ane aomata tabem'aang.

Maraki 1:6

Iai te b'ai ae N na taekinna Ngai ae te UEA nakoia ibonga. A karineia tamaia naati ao a karineia aia toka taani m'akuri. Bon tamami ao ami toka Ngai, ao e aera ngkai kam aki karineai? Kam a tia ni katinanikuai ngkami aika ibonga, ao ngkai kam titiraki ni kaangai, “Ti katinanikuko n te aro raa?”

Ruka 18:19

E taku Iesu nako ina, “E aera ngkai ko atongai b'a I raoiroi? Akea ae raoiroi b'a ti te Atua n ti Ngaia.

Ruka 6:46

“E aera ngkai kam atoatonga ae kangai nako Iu: ‘Te Uea, te Uea,’ ao kam aki ira nanon te bae I tuangngkami?

M'akuri 16:30

ao e kairiia ni kaotinakoia ao e taku, “Mm'aane, tera ae riai b'a N na karaoia b'a I aonga ni kamaiuaki?”

M'akuri 2:37

Ngke a ongo aei aomata ao a teke nanoia; ma ngaia are a taku nakoni Betero ma taan tuatua ake raona, “Taari, tera ae ti na karaoia?”