Ruka 18:17 - Te B'aib'ara

¹⁷ E koaua ae I tuangngkami, b'a ane aki butim'aea Uean te Atua n ai aron te teei ae uarereke, ao e na bon aki kona n rin iai.”

Ruka 18:17 ပူးပေါင်းရင်းမြစ်များ

Mataio 18:3

ao E taku: E koaua ae I a tuangngkami, b'a ngkana kam aki bitii aromi ao kam aki katotoong aroia ataei, ao kam na bon aki kona n rin n Uean te Atua.

Mataio 19:14

ma E taku Iesu, “Kanakomaia ataei nako Iu, ao tai tukiia; b'a Uean te Atua bon aia b'ai aomata aika ai aroia ataei aikai.”

Mareko 10:15

E koaua ae I a tuangngkami b'a ane aki butim'aea Uean te Atua n ai aron te teei, ao e na bon aki kona n rin iai.”

Ruka 18:16

Ma E weteia ataei Iesu b'a a na nako Ina, ao E taku, “Kanakomaia ataei akana uarereke nako Iu, ao tai tukiia; b'a aomata aika ai aroia ataei aikai bon aia b'ai Uean te Atua.

1.I-Korinto 14:20

Taari, kam na tai b'aina te nano n ataei; ma kam na riki b'a merimeri nakon te buakaka, ao kam na b'aina te nano n ikawai.

1.Betero 1:14

Ngkai naati aika ongeaba ngkami, ao a na tai kairaki maiumi n iangoan nanomi aika bubuaka ake iai iroumi ngkoa ngke kam roo n nano;

1.Betero 2:2

ao kam na tangira te miriki ae itiaki ae b'ain te nano, n ai aroia merimeri aika tib'a bungiaki, b'a kam aonga n ikawai iai ao kam kamaiuaki;