Ruka 18:13 - Te B'aib'ara

¹³ Ma te tia anai taekiti, e tei ni kararoa, ao e aki kan tabeki naba matana teutana nako karawa, ma e orea b'ab'ana ao e kangai, “Te Atua nanoangaai b'a te tia bure ngai!”

Ruka 18:13 ပူးပေါင်းရင်းမြစ်များ

2.Tamuera 12:13

Ao e taku Tawita, “I a tia ni aki ongotaeka nakon te UEA.”

2.Rongorongo 33:19

A m'aiti rongorongon Manate are e koroia Otai, n reitaki ma ana tataro ao kaekaana iroun te Atua. Ma e koroi naba ana m'akuri Manate aika a buakaka Otai i m'aain are e okira te Atua, ai uana naba ma aran taabo ake e katei iai taian bouannanti Manate, ao taabo naba ake e katei iai baangotan te aba ao taabo n taromauri i bukin Nei Atera.

2.Rongorongo 33:23

E a manga rairaki nakon te UEA Manate, ma Amon, e rangi n rawa, ao e boni bure riki nakon tamana.

Etira 9:6

ao I tataro ni kaangai: I a bon rangi ni mamaa ni kaaitarako te UEA ae te Atua. A tia n taoniira ara bure ma ara kaairua n ai aron te ieka ae e rooti taiani karawa.

Iobi 42:6

Ma ngaia are, I mamaa ni b'aai ake I a tia n taekin, ao I raira nanou ma te rawawatau ao te nanomaraki ae korakora.

Taian Areru 106:6

Ti a tia ni bure n ai aroia naba ara bakatibu, Ti a tia ni karaoa ae bure ma ae buakaka.

Taian Areru 119:41

Te UEA, kaota nako iu m'aitin tangirau iroum, Ao kamaiuai, n ai aron am Taeka.

Taian Areru 130:7

Iteraera, kam na kaantaninga te UEA, b'a e teimatoa ana tangira ao E tauraoi n taai nako ni kakamaiu.

Taian Areru 25:11

Kawakina am berita, Te UEA, Ko na kab'ara au bure B'a a bati au bure.

Taian Areru 25:7

Kab'arai au bure ake I karaoi ngke te kairake ngai. Te UEA, ururingai n ai aron am Tangira ae teimatoa ma am Raoiroi!

Taian Areru 40:12

A bati kaangaanga aika otab'aniniai, a riao m'aitiia! A taonai nako au bure aika bati, ao akea te bae I kona n noria; a m'aiti riki nakon iran atuu, ao e a b'ara nanou.

Taian Areru 41:4

Ao ngai I taku, “te UEA, I a tia ni bure nakoim; Ko na nanoangaai ao kamaiuai.”

Te Otinako 33:10

ao E na taetae te UEA ma Moote n itaramata, kaanga aron temanna ae e maroroo ma raona.

Itaia 1:18

Ngai, ae te UEA, ae I kaoingkami b'a kam na nakomai ma ni maroroakinna. A turu urauran ami bure, ao a na mainaina kaanga te tinoo ke buraen te tiibu.

Itaia 6:5

Ao I takaarua ni kaangai, “I a reke n te kabuanib'ai! A bane n on n te bure au taeka aika I atong, ao ai uana naba ma aia taeka aomata nako aika i rarikiu. Ma e ngae n anne, ma I a tia n noora te UEA ae Moan te M'aaka.”

Itaia 66:2

I a tia ni karaoi b'aai nako; ao anne aron rikiia ni kabane. Bon aei au taeka Ngai ae te UEA. Aomata ae I kawakinia riki bon aika nanorinano are a mena aia mwioko irou ao a ruru ngkana I taetae.

Etekiera 16:63

N na kab'araa am bure, ma ko na riai ni iangoi am bure ma ni mamaa iai n te aro are ko na aki kakarongoa. Bon aei au taeka Ngai ae te UEA.

Taniera 9:5

Ti a tia ni bure, Ti a tia ni karaoa ae e buakaka, ma ni karaoi baika a kaairua. Ti a tia n aki butim'aai baike Ko tua b'a ti na karaoi man tannako mani baike a eti ake Ko a tia ni kaoti nakoira.

Mataio 10:3

ao Biribo, ao B'aretorom'aio; ao Toma, ao Mataio are te tia anai taekiti; ao Iakobo are natin Areb'aio, ao Tataio;

Mataio 6:5

Ngkana kam tataro, ao tai kakairi irouia taani m'am'ana-te-aba! B'a a kan tei n tataro i nanoni m'aneabaia I-Iutaia ao i tutani kawai, b'a a aonga n noraki irouia aomata. E koaua ae I a tuangngkami b'a e a tia n reke i rouia booia mani mwin aia m'akuri.

Mataio 9:13

Kam na nako n reireingkami b'a tera ae nanonaki n taeka aikai: ‘I tangira te nanoanga, ao I aki tangira te angakarea.’ B'a I aki roko b'a N na weteia akana raoiroi, ma I roko b'a N na weteia akana buakaka.”

Mareko 11:25

Ao ngkana kam tei n tataro, ao kab'ara buren are titiku i nanomi are e a tia n riki b'a ekakinakoan temanna iai i roumi, b'a E aonga Tamami are i karawa ni kab'arai ami bure aika kam a tia ni karaoi.

Ruka 17:12

Ao ngke E a kan rin n te kawa teuana, ao E kaitibo ma aomata aika tengaun aika rebera; ao a tei i kiraroa,

Ruka 22:41

Ao E kam'awa mai rouia n te raroa ae tao e roko iai te atibu ngkana e kareaki, ao E katorobubua n tataro, ao E kangai,

Ruka 23:48

Ao aomata ni kabaneia ake a botaki ni mataku, ngke a nori baikekei ao a okira mwengaia n ororei b'ab'aaia n nanokawaki.

Ruka 5:8

Ngke e nora aron aei Timon Betero, ao e b'aka ni bobaraaki i rarikini waen Iesu, ao e taku, “Te Uea, naako mai rou, b'a te aomata ae I buakaka ngai!”

M'akuri 2:37

Ngke a ongo aei aomata ao a teke nanoia; ma ngaia are a taku nakoni Betero ma taan tuatua ake raona, “Taari, tera ae ti na karaoia?”

I-Rom 5:8

Ma te Atua, E kaota oin ana tangira nako ira n aei: b'a ngke bon taani bure ngaira, ao E mate Kristo i bukira.

2.I-Korinto 7:11

B'a nora te baei, ae karawawatami n reitaki ma nanon te Atua; ai tera arona ni karika te nano ae korakora, ma te nano ni kani kaota ae kam aki bure, ma te nano n un, ma te nano ni maaku, ma te nano n ingainga, ma te nano ni kani kareke kai. Kam kaotingkami ni b'aai ni kabane b'a kam itiaki n te baerei.

1.Timoteo 1:15

E koaua te taeka aei, ao e riai ni kakiaki i nanoia aomata ni kabaneia, ae te taeka ae kaangai, E roko Kristo Iesu i aon te aba b'a E na kamaiuia taani bure. Ngai te kabanea ni buakaka;

Ebera 4:16

Ma ngaia ae ti na tai maaku ni kaania ana kaintokanuea te Atua are e akoaki te aba iai, b'a ti aonga n anganaki te nanoangaki, ao ti aonga ni karekea te akoaki ngkana a kai nanora.

Ebera 8:12

B'a N na nanoangaiia ni kab'arai aia buakaka, ao N aki manga uring aia bure.”