Ruka 18:10 - Te B'aib'ara

¹⁰ A waerake aomata aika uoman nakon te um'antabu b'a a na tataro iai; temanna te B'aritaio, ao temanna te tia anai taekiti.

Ruka 18:10 ပူးပေါင်းရင်းမြစ်များ

1.Uea 10:5

te am'arake i aon te taibora, ana aobitia, ana toro, aika a kaboraoi, aomata aika a touatina kanana, ao taian karea ake e anga i aon te baonikarea n ana Tembora te UEA.

1.Uea 8:30

Bon am toro ngai, ao am b'ai aomatan Iteraera. Ma ngaia are, ngkana iai mai i buakora ae e nakomai n tataro ao kaeka te UEA mani mwengam are i karawa ao kab'arai ara bure nako.

2.Uea 20:5

ao E kaokia te UEA nakon Etekia ma te rongorongo ae kaangai: Etekia, bon Au tia tautaeka ngkoe i aoia au Aomata, ao boni Ngai te UEA ae te Atua, are E taromauriaki iroun am bakatibu are Tawita. I ongo am tataro, ao I nooriko ngke ko tang. N na boni kamarurungko, b'a ko aonga ni konaa ni manga taromauriai n au Tembora i mwiin tenibong mangkai.

2.Uea 20:8

E titiraki Etekia nakon Itaia ni kaangai, Ko konaa n anganai te kakoaua b'a E na kamarurungai te UEA, b'a I aonga n i konaa n taromauriia i nanon ana Tembora i nanon tenibong?

Mataio 10:3

ao Biribo, ao B'aretorom'aio; ao Toma, ao Mataio are te tia anai taekiti; ao Iakobo are natin Areb'aio, ao Tataio;

Ruka 19:46

ao E taku nako ia, “E koreaki ana taeka te Atua ae kangai, ‘E na riki au auti b'a te tabo n taromauri.’ Ma ngkami kam a tia ni karaoia b'a nneia taani kam'arua ni karabaia!”

M'akuri 26:5

A kaman ata arou ma ngkoa, ngkana iai baikana a kan taekinai iai: b'a I a tia ni kaaina te botaki teuana ae a rangi ni mamatoa tuana, ae te botaki ni B'aritaio.

M'akuri 3:1

Ao e nako n te Tembora Betero ma Ioane n tain te tataro are te aoa tenua n te tanimaeaontaai.

I-Biribi 3:5

I korotabonim'aneaki n te kawani bong, ao te Iteraera ngai n rikiu, ao kaain te baronga are Beniamin, ao te Ebera mairouia Ebera; ao n reitaki ma te Tua, bon te B'aritaio ngai;