Ruka 17:31 - Te B'aib'ara

³¹ N te bong arei, ao ane mena i aon taubukin ana auti, ao ana b'ai i nanon te auti, e na aki ruo n anai n uoti nako; ao ai arona naba ma teuare mena n te onaroka i marenaua, b'a e na aki oki nakon ana b'ai ake a tiku i mwina.

Ruka 17:31 ပူးပေါင်းရင်းမြစ်များ

Iobi 2:4

Ao e taku Tatan, “Ane na bon kaaki taekan b'aai ni kabane te aomata i bukin iangoan maiuna.

Ieremia 45:5

N nang karokoa te kabuanib'ai n taabo nako, ma ngaia are, kam na aki kabanea ami tai ni iangoa te b'ai teuana ma teuana. I berita b'a N na kaawakiningkami man te mate. Bon aei Au taeka Ngai ae te UEA.

Mataio 16:26

B'a tera te raka ae e na karekea te aomata ngkana e b'aina te aonnaba ae b'anin ao e kabua maiuna mai rouna? Ao tera ae e na anga te aomata b'a e na kaoka maiuna iai?

Mataio 6:25

Ma ngaia ae I taku nako imi, Tai iango n raraoma i bukini maiumi, b'a tera ae kam na kanna ke ae kam na nimma, ao i bukin rab'atami b'a tera ae kam na kunnikaia iai. Tiaki e bongana riki te maiu nakon te am'arake, ao te rab'ata nakoni karabana?

Ruka 21:21

Ke a biri nako ni maunga akana mena i Iutaia, ao akana mena i nanon Ierutarem, ke a kitanna; ao akana mena i marenaua, ke a tai rin i Ierutarem;