Ruka 17:10 - Te B'aib'ara

¹⁰ Ao ngkami naba, ngkana kam a tia ni karaoi baike kam tuangaki, ao kam na kangai, “Tooro ngaira aika akea manera; ti karaoa ti are ara m'akuri.”

Ruka 17:10 ပူးပေါင်းရင်းမြစ်များ

Itaia 6:5

Ao I takaarua ni kaangai, “I a reke n te kabuanib'ai! A bane n on n te bure au taeka aika I atong, ao ai uana naba ma aia taeka aomata nako aika i rarikiu. Ma e ngae n anne, ma I a tia n noora te UEA ae Moan te M'aaka.”

Itaia 64:6

Ti aki tau n taromauriiko; bon taian motinikunnikai aika a buakaka ara m'akuri n tatabeua nako. Ti m'auteretere kaanga taiani baanikaai; bon te ang aika a korakora ara bure ake a kaubara nakoira.

Ieremia 32:23

Ma ngke e a reke irouia ara bakatibu te aba aei, ao a manga aki ongotaeka nakoim. Ao ngkai Ko a katuaaia Iteraera n te kabuanib'ai.

Mataio 25:30

Ao kam na tewea nako te toro ae akea manenana aei nako nanon te roo are i moone, are te tabo ike a na tanginiwenei iai aomata ao a na tenai riaia b'a kaotan ae a rotaki n te maraki ae korakora.”

Ruka 17:11

Ngke e nako Ierutarem Iesu, ao E ri nukan Taamaria ma Kariraia.

Ruka 17:9

E na karab'a te toro arei i bukin ae e karaoa are e tuangaki?

I-Rom 11:35

Antai ae anganna te b'ai teuana b'a E aonga ni manga kaoka nakoina boona?”

I-Rom 3:12

A bane n rairaki nako mairoun te Atua; a bane n tia ni bure; Akea ae karaoa ae e raoiroi, bon akea temanna.

Biremon 1:11

Akea manenana i roum ngkoa, ma iai ngkai manenana nako im ao nako iu naba;