Ruka 16:24 - Te B'aib'ara

²⁴ Ao e weteia ni kangai, “Tamau ae Aberaam! ko na nanoangaai, ao kanakomaia Rataro b'a e na kateboa taboni baina n te ran ao e na kam'aitoroa neweu, b'a I kainano ni maraki n uran te ai aei.”

Ruka 16:24 ပူးပေါင်းရင်းမြစ်များ

Iobi 20:21

Akea nikiran te am'arake ngkana e am'arake; ma n te tai aei ao e a roko n tokina kaub'aina.

Itaia 27:11

Ao ngkana a b'aka m'aangana aika a m'aoto i aontano ao a manga roko aine n anaia b'a kanaan aia ai. Ma a bon rangi n nanobaba aomata aikai n te aro are E aki konaa n nanoangaiia te Atua are e karikiia.

Itaia 66:24

A na otinako au aomata ni kakaai rab'ataia ake a kakaitaraai. A aki konaa ni mate taian ino ikekei, ao e aki konaa n toki uran te ai, ao a na rangi n ribaaki taraan rab'ataia aomata aikai irouia aomata nako.

Tekaria 14:12

Aio te b'ai ae E na karaoia te UEA nakoia aika a buakana Ierutarem: ngkana a tei ikekei, e na kam'aungi irikoia ao a na b'aka reben kanoan mataia ni kabane mai mataia ao e na nna nako neweia n oti nako.

Mataio 25:41

Ao ane E na kangai nakoia ake i angamaingina, “Naako mai Rou! Ngkami akana reke kaimi iroun te Atua. Nakon te ai are aki mamate are katauraoaki i bukin te riaboro ma ana anera!

Mataio 3:9

ao tai taku i nanomi ni kangai, Iai tamara b'a Aberaam; b'a I taku nako imi, b'a E kona te Atua ni karikiia natin Aberaam man atibu aikai!

Mataio 5:22

ao Ngai I taku nako imi, b'a ane un nakon tarina, ao e na kateaki n te kabowi b'a e na baireaki taekana; ao ane kangai nakon tarina, Akea warem; ao e na tei i matan te Tanirim b'a e na baireaki taekana iai; ao ane atonga tarina b'a akea uaana ao e na motikaki taekana b'a e na teweaki nako n te ai are i moone.

Ruka 16:30

Ao ngaia e kangai, “Tamau ae Aberaam, tiaki; ma ngkana iai mai buakoia maate ae nako ni kawariia, ao ane a na rairi nanoia iai.”

Ruka 19:9

Ao E taku Iesu nako ina, “E a kamaiuaki te utu aei n te bong aei b'a ngaia natin naba Aberaam teuaei.”

Ruka 3:8

Kam na kariki uaa aika a na kaotia b'a kam a tia n rairi nanomi, ao kam na aki taku i nanomi, ni kangai, Tamara Aberaam: b'a I taku nako imi, E kona te Atua ni karikiia natin Aberaam man atiibu aikai.

Ioane 4:10

E kaeka Iesu ao E taku nakoina, “Ngke tao ko ata ana b'ai n tangira te Atua, ao Teuae kaangai ngkai nako im, Kaamai b'a N na moi, ao ko na kamani butiia, ao Ngaia E a anganiko naba iai te ran ni kamaiu.”

Ioane 4:14

ma ane moi n te ran ae N na anganna, ao e na bon aki manga taka. B'a te ran ae N na anganna, e na riki b'a te m'anib'a n ran i nanona are na koburake ao e na anganna te maiu are aki toki.”

Ioane 7:37

N te kabanea ni bong ae kakannato n tain te Toa are te Um'anrianna, ao E teirake Iesu, ao E kanenea b'anaana ni kaangai, “Ane kani mooi, ao ke e nako iu b'a e na moi!

I-Rom 4:12

Bon tamaia aomata nako aika a tia ni korotabonim'aneaki, tiaki ti i bukin ae a korotabonim'aneaki, ma i bukin naba aia onimaki b'a ti te bo ma ana onimaki Aberaam are tamaia ngke e tuai ni korotabonim'aneaki.

2.I-Tetaronike 1:8

ma te ai ae ura m'aaka. E na kareke kaiia ake a aki ira nanon euangkerion ara Uea are Iesu Kristo.

Iakobo 2:13

B'a ane aki nanoangaea te aba, ao e na motikaki taekana n aki nanoangaki; ma e totokanikai te nanoanga n te motiki-taeka.

Iakobo 3:6

Ao te newe ai aron te ai. B'a te newe kanga te aonnaba ae on n te buakaka i buakoni b'ain rab'atara nako; e kam'araea te rab'ata ni kabane, ao kanga e kaurarakea maiura ae b'anin n uran te ai mai Keenna.

Te Kaotioti 19:20

Ao e tauaki te man are tiritiri, ma te burabeti ni kewe are karaoi kanikina i matana, ake e m'am'anaia iai te koraki ake a kanikinaeaki n ana kanikina te man are tiritiri, ma te koraki naba ake a taromauria te bouananti are karaoaki b'a katotongana. E teweaki nako te man are tiritiri ma te burabeti ni kewe, ngke e maiu, i nanon te nama are te ai are ura n te burimton.

Te Kaotioti 20:15

Ao ngkana iai ae ataaki b'a akea arana ni bokin te maiu, ao e teweaki nako nanon te nama are te ai.

Te Kaotioti 22:1

Ao te anera arei e kaota nako iu karaangan te ran ni maiu, ae te ran ae raneanea n ai aron te kurititaro; ao e raanga nako te ran arei man ana kaintokanuea te Atua ma te Tiibuteteei,

1.Tamuera 28:16

Ao e taku Tamuera, “Ko kangaa n weteai ngkana E a tia ni kiitaniko te UEA b'a e a manga riki b'a am kairiribai?