Ruka 16:20 - Te B'aib'ara

²⁰ Ao te aomata temanna ae arana Rataro, ae akea ana b'ai, ae e kiaraki rab'atana n te kaboa, e kaweneaki i rarikini mataroan oon ana auti teuare kaub'ai,

Ruka 16:20 ပူးပေါင်းရင်းမြစ်များ

Iobi 2:7

Ao e nako Tatan mai matan te UEA, ao e kariki taiani kaboa i aon rab'atan Iobi ni kabuta.

Taian Areru 34:19

A bati baika e karawaawataaki iai te aomata ae e raoiroi; Ma E kamaiua te UEA mani baikanne ni kabane.

Taian Areru 73:14

I karawawataaki n te bong koraki; E karekeaki kaiu ni katoa ingabong.

Itaia 1:6

Bon akea taraan te maiu mai taubukin atuum nako taboni waem. A bon aoriia kunikunin rab'atam, m'akorokorona, ao manekana n aki tararuaaki, ke ni kabiraki n te b'a ni katokaki marakina.

Ieremia 8:22

E aera ngkai a tuai man kamaiuaki au aomata ngkana iai taiani b'ainaoraki ma taokita i Kireata?

Mataio 26:71

Ao ngke e nako ni mataroan te auti, ao e a manga noria naba te aine riki temanna ae te toro. Ao e taku nakoia ake a teitei ikekei, “E memena naba teuaei iroun Iesu are te I-Natareta.”

Ruka 16:19

Temanna te aomata ngkoa ae kaub'ai, ae e kunnikainna ni kunnikai aika bo buaka aika uraro ao a mainaina, ao e kukukurei n am'arake raoi n te bong ae koraki.

Ruka 16:21

ao e kani kaam'arakeaki man tamrurun am'arake ake a b'aka man ana taibora n am'arake teuare kaub'ai; ao a roko kamea n newenewei kaboana.

Ioane 11:1

E aoraki te aomata temanna, ae Rataro arana; kaaini Betania ngaia, are aia kaawa Nei Maria ma tarina are Nei Mareta.

M'akuri 3:2

Ao e uotaki te aomata temanna ae e a kamani m'auku mai nanoni biroton tinana, ae kaweweneaki n te bong ae koraki n te mataroa are arana Tamaroa, are te mataroa n rin nakon te Tembora, b'a e na bubuti b'aai n tituaraoi mairouia aomata aika rin n te Tembora.

Iakobo 1:9

Ke e kim'areirei te tari ae aki kaub'ai ngkae e karietataki;

Iakobo 2:5

Tariu aika kam tangiraki, kam na ongora: tiaki E rineia akana aki kaub'ai ni b'ain aon te aba te Atua b'a a na kau-onimaki, ao a na riki b'a taan abaaba n ueana are E atongnga n te taeka n akoi nakoia ake a tangiria?

1.Tamuera 2:8

Ko tabekiarake aomata aika kainano ao aika akea mwengaia Ko anaia mai buakon turam ni maange ao Ko anganiia te nne ae karineaki i nanon taiani bareti. Ko katea te aonnaba i aon taian aana, ao bon am b'ai.