Ruka 16:2 - Te B'aib'ara

² Ao e weteia ao e taku nako ina, “Tera taekam aei, ae I ongo? Kaoti nako iu mwin am m'akuri ni manatia, b'a ko na aki manga manatia.”

Ruka 16:2 ပူးပေါင်းရင်းမြစ်များ

Te Minita 12:14

Te Atua, E na motikitaekan b'aai nako aika ti karaoi, e ngae ngkana ti karaoa te b'ai teuana ni karabaa, te b'ai ae e raoiroi ke ae e buakaka.

Mataio 12:36

I tuangngkami, b'a n te bongi ni motikitaeka, ao aomata akana a na kab'arab'arai bukin taeka nako ake akea maneia ake a atong;

Mataio 20:8

Ngke e a tairiki, ao e taku teuare ana b'ai te nne n aroka nakon aia mataniwi taani m'akuri, Ko na weteia taani m'akuri, ao anganiia nako boon aia m'akuri: anganiia moa ake a roko rimoa.

Ruka 12:20

Ma E taku te Atua nako ina, “Te nanobaba! N te tairiki aei, ao e na anaaki maium mai roum; ao b'aai akana ko a tia ni katauraoi, antai ae na b'aini?”

Ruka 12:42

Ao E taku te Uea, Antai te touati ae kakaonimaki ae wanawana, are e na mwiokoaki iroun ana mataniwi b'a e na tararuaia ana toro, n angania kanaia ake a tia ni baireaki n taiia?

Ruka 16:1

Ao E taku naba Iesu nakoia ana reirei, Iai ngkoa te aomata ae kaub'ai, ae iai ana manatia; ao e uotaki taekan te manatia arei nako ina b'a e bakataei ana b'ai.

Ruka 16:3

Ao e taku te manatia i nanona, “Tera ae N nang karaoia, b'a ae e a anaaki mai rou te nakoa ni manatia iroun au mataniwi? E aki tau korakorau ni keniken, ao I mamaa ni bubuti.

I-Rom 14:12

Ma ngaia ae ti na bane ni kaoti arora n tatabemaniira nako nakon te Atua.

1.I-Korinto 1:11

B'a I kaongoaki taekami, tariu, irouia ana aomata Koroe, b'a iai taiani kauntaeka i buakomi.

1.I-Korinto 4:2

Ao te bae e tangiraki mairouia touati bon aroia ni kakaonimaki.

1.I-Korinto 4:5

Ma ngaia ae kam na tai motika taekan te aomata i m'ain taina raoi, are tain rokon te UEA, are E na kaoti b'ain te roo aika raba, ao E na kaoti naba iango aika raba i nanoia aomata. Ao ngkanne ane a na anganaki aomata nako kamoamoaaia mairoun te Atua.

2.I-Korinto 5:10

B'a ti na boni bane ni kateaki i matan ana kaintoka ni motikitaeka Kristo, b'a e aonga n anganaki temanna ma temanna booni mwin ana m'akuri ni kabane ake e a tia ni karaoi n rab'atana, aika baika raraoi ke a bubuaka.

1.Timoteo 4:14

Ko na tai kaaki taekan te b'ai n tituaraoi ane i roum, are ko anganaki n te tai are a taetae ni burabeti iai burabeti ao a katokai baiia i aom unimm'aanen te ekaretia.

1.Timoteo 5:24

Akea te kangaanga n aia bure tabem'aang b'a a teretere aroia, ao a ri moaia nakon te motiki-taeka; ma aia bure tem'angina a tib'a kaoti rimwi.

1.Betero 4:10

Ngkai kam anganaki b'aai n tituaraoi n tatabemaningkami nako, ao kam na kamanenai i bukin temanna ma temanna, n ai aroia touati aika raraoi n ana b'ai n akoi aika kakaokoro te Atua:

1.Betero 4:5

Ane a na taekin aroia nakon Teuare tauraoi ni motiki taekaia akana maiu ma akana mate.

Te Kaotioti 20:12

Ao I nooriia maate, ake te koraki ake a kakannato ma ake a mangori, b'a a tei i nanoaan te kaintokanuea; ao a kaukaki niira ni boki. E kaukaki naba te niira ni boki teuana, ae bokin te maiu. Ao a motikaki taekaia maate ni kaeti ma baike a tia ni karaoi, n ai aron taekaia ake a koreaki n taian niira ni boki akekei.