Ruka 16:19 - Te B'aib'ara

¹⁹ Temanna te aomata ngkoa ae kaub'ai, ae e kunnikainna ni kunnikai aika bo buaka aika uraro ao a mainaina, ao e kukukurei n am'arake raoi n te bong ae koraki.

Ruka 16:19 ပူးပေါင်းရင်းမြစ်များ

Etita 8:15

Ao e kiitana te bareti Morotekai, ao e kunnikaia n te niiniira ni uea ae buru ao e mainaina, ao te raburabu ae te riinen ae tamaroa ae e beebo, ao e katokaa naba te baunuea te koora ae moan te tamaroa. Ao i mwiin anne, e a onrake kawain nako te kaawa are Tutian n te takaarua ni kukurei.

Taeka n Rabakau 14:24

E konaa ni karikiko b'a te kaub'ai te wanawana, ma te nanobaba e kona ni kairiko nakon te nanobaba ae e korakora riki.

Taeka n Rabakau 31:22

E bon itutuu, ao a bane n tamaroa ana kunnikai aika e b'ain.

Itaia 3:23

b'araia, ao aia b'auti ni m'ane.

Etekiera 16:13

A karaoaki am b'ai ni katamaroa man te koora ma te tirewa, ao a karaoaki am kunnikai man taian riinen aika a korotinaki. E kam'aaki kanam te kariki man te buraawa ae te kabanea ni mte, ao ko kaakana ana karewe te manibeeru ao b'aan te oriwa. Bon ti te bo botonainem ma te ueanaine,

Etekiera 16:49

A kainikatonga ao a buabeka; a toki nanoia ni b'aai ake a kainanoi ao a rawa ni buokiia aika a kananoanga aika a maiu ni kainano.

Etekiera 27:7

A kamanenai taian rinen aika tamaroa taani kateitei mai Aikubita i bukin taian ie, b'a aonga ni konaa aomata nako n nooringkami. E kabonganaaki te kunnikai ae e buru ma ae e beebo i bukin kanuuan te teeke.

Mareko 15:17

A kunnikaia Iesu n te kunnikai ae uraroo, ao a bira te bau man te kai ae kateketeke, ao a katokaa i aon atuna.

Mareko 15:20

Ngke a tia ni kakanikoa, ao a buuta te kunnikai are uraroo mai Rouna, ao a manga karini kunnikaina i aona; ao a kairia nako, b'a a na katinea i aon te kaibangaki.

Ruka 15:13

I mwini boong tabeua, ao e kabane tib'ana teuare te karimwi n rairi nakon te m'ane, ao e kitana mwengana n nako n te aba ae raroa, ao e kabanei iai n te aro ni maiu ni bakatae.

Ruka 16:1

Ao E taku naba Iesu nakoia ana reirei, Iai ngkoa te aomata ae kaub'ai, ae iai ana manatia; ao e uotaki taekan te manatia arei nako ina b'a e bakataei ana b'ai.

Ruka 16:18

Ane raure ma buuna ao e a manga buuna te aine temanna, ao e wene ni bure iai; ao ane buuna neiere raure ma buuna, ao e wene ni bure iai.

Ruka 16:20

Ao te aomata temanna ae arana Rataro, ae akea ana b'ai, ae e kiaraki rab'atana n te kaboa, e kaweneaki i rarikini mataroan oon ana auti teuare kaub'ai,

Te Kaotioti 17:4

Ao e kunnikaiaki te aine arei n te ura-roo ma te uraura, ao e katamaroaaki ni b'aai ni katamaroa aika koora ma atibu aika kakawaki ma moomi; ao iai te m'angko ae te koora i nanoni baina, ae te m'angko ae on ni baika riai ni bati n ribaaki, ma baika kammaira aika b'ain ana wene ni bure;

Te Kaotioti 18:16

ao a na kaangai, “Ai kaawa ra, ai kaawa ra, te kaawa are kakannato, are kunnikaiaki n te rinen ae e raoiroi, ma te kunnikai ae ura-roo, ma ae uraura, are te kaawa are katamaroaaki n te koora ma atibu aika kakawaki ma moomi!

Te Kaotioti 18:7

Kam na kabatia marakina ma nanokawakina n ai aroni m'aitini kainikatongana ma arona ni maiu ni kaub'ai. B'a e kaangai i nanona B'aburon: ‘Bon te uea ae te aine ngai, ae I tekateka!; Ao tiaki te aine ae e mate buna ngai, ma ngaia ae N na bon aki kona n nanokawaki!’

Tani Motiki-taeka 8:26

Ao bootan rawawatan taiani koora bon 40 te b'auna rawawataia. Ao i rarikin aikanne, ao iai naba taiani koora ake a reke man b'ainikatamaroan taiani kaamero ao man taian b'ai ni katamaroa naba ake a b'ab'aini uean Miiria. Ao e anai naba taiani niiniira aika uraro Kiteon.