Ruka 16:17 - Te B'aib'ara

¹⁷ Ma e kai mauna riki karawa ma aonnaba, nakon ae e na mauna bonganan teuana manin taekan te tua.

Ruka 16:17 ပူးပေါင်းရင်းမြစ်များ

Itaia 40:8

A mauna nako uee ma uteute, ma a na bon aki konaa ni bitaki b'aai aika e a tia n taekin.

Itaia 51:6

Karaua n taraa karawa! Tarai aonnaba. E na mauna nako karawa kaanga te bubu; ao e na mangaingai te aonnaba kaanga taiani kunnikai. A na bane ni mate aomata aika i aon te aonnaba kaanga taian nango. E na akea tokin au tokanikai; ao e na teimatoa m'aakau ni kakamaiu.

Mataio 5:18

B'a e koaua ae I a tuangngkami, b'a ngkai e tuai ni mauna karawa ma aonnaba, ao e na bon aki mauna manin taekan te Tua ae te kabanea n uarereke, ke aron taekana ae te kabanea ni kimototo, i m'ain rikini b'aai nako ake a taekinaki n te Tua b'a a na riki.

Ruka 21:33

A na mauna karawa ma aonnaba, ma a na aki kona ni mauna au taeka.

I-Rom 3:31

Ti urua ngkanne iai te Tua n te onimaki? Ti aki; ma ti kateimatoa te Tua.

1.Betero 1:25

ma ana taeka te Uea e teimatoa n aki toki.” Ao te taeka aei bon te euangkerio ae tataekinaki nakoimi.

2.Betero 3:10

Ma ane e na roko ana bong te Uea n ai aron rokon te tia iraa; n te bong anne ao e na mauna iai karawa ma te rurunga ae korakora, ao a na bue b'aai ma ni mauna nako aroia; ao aonnaba ma kanoana a na kuneaki.

Te Kaotioti 20:11

Ao I nora te kaintokanuea ae ab'ab'aki ae mainaina, ma Teuare tekateka i aona. A biri nako aonnaba ma karawa mai Rouna, ma akea te tabo ae a na nako iai.

Te Kaotioti 21:1

Ao I nora karawa ae boou ma aonnaba ae boou; b'a e a tia ni mauna te moa ni karawa ma te moa n aonnaba, ao ai aron naba marawa.

Te Kaotioti 21:4

E na kabane rannimataia te Atua ni kaoi mai mataia; ao akea te mate ae na riki, ao e na akea naba te nanokawaki, ma te tang, ma te maraki: b'a a mauna nako b'aai nikawai.”