Ruka 16:16 - Te B'aib'ara

¹⁶ A teimatoa bonganan taeka ake a koreaki n te Tua ma aia boki burabeti ni karokoa kaotin Ioane are te tia B'abetito; ao man te tai arei, ao e tataekinaki te rongorongo ae raoiroi ae taekan Uean te Atua, ao a bane aomata ni kakorakoraia n rin iai.

Ruka 16:16 ပူးပေါင်းရင်းမြစ်များ

Mataio 10:7

Ao ngkana kam nako, ao aei kanoan ami kab'arab'ara: “E a kan roko Uean te Atua!”

Mataio 15:11

Tiaki te b'ai ae rin nako nanon te wii ae kam'araea te aomata; ma te b'ai ae oti nako man te wii, boni ngaia ae kam'araea te aomata.”

Mataio 21:32

B'a e roko Ioane nako imi, ngkami aika Iteraera, ni kaota te aro ae raoiroi ae kam na b'ainna ni maiumi n ai aron nanon te Atua, ao kam aki kakoauai ana taeka.

Mataio 3:2

ao e taku, “Rairi nanomi, b'a e a kan roko Uean te Atua!”

Mataio 4:17

Ao man te tai arei ao E moa n reirei Iesu, ao E taku, “Kam na rairi nanomi, b'a e a kan roko Uean te Atua!”

Mataio 4:23

E kabuta Kariraia n reirei ni m'aneabaia I-Iutaia, ao n tataekina euangkerion Uean te Atua; ao E katoki aoraki ni kabane, ao mamara ni kabane i buakoia aomata.

Mareko 1:14

I mwin te tai are e a tia n tauaki iai Ioane ma ni kainaki i nanon te karabuuti, ao E roko Iesu i Kariraia ao E tataekina ana euangkerio te Atua.

Mareko 1:45

Ao e taon nako, ao e a moana naba tataekinan te baerei ni katanoata rongorongona. Ma ngaia are E aki kona n rin n te kawa Iesu, ma E a mena naba n taabo ake aki maekanaki. Ao a kawaria aomata man taabo nako.

Ruka 10:11

“Ti taei bubun aontanon ami kawa aika nim i waera b'a te b'ai ni kakoaua nako imi b'a kam aki mutiakiniira; ma e ngae n anne ao kam na ata aei, b'a e a roko ni kaan Uean te Atua!”

Ruka 10:9

Kam na kamaiuia aoraki iai, ao kam na kangai nako ia, “E kaan nako imi Uean te Atua.”

Ruka 16:29

Ma e taku Aberaam, “Iai i rouia ana boki Moote ao aia boki burabeti a riai n ongo ao n ongeaba nakoni baike a koreaki i nanoia.”

Ruka 16:31

Ao e taku Aberaam nako ina, “Ngkana a aki ongo n taeka ake a koreaki n ana boki Moote ma aia boki burabeti, ao a na bon aki anaaki naba nanoia ngkana tao e kaoti temanna mai buakoia maate.”

Ruka 9:2

Ao E kanakoia b'a a na taetaekina uean te Atua ao a na kamaiuia aoraki.

Ioane 1:45

Ao Biribo e kunea Natanaera ao e taku nakoina, “E a reke iroura Teuare koreaki taekana irouni Mote ni bokin te Tua ao irouia burabeti: bon Iesu are te I-Natareta, are natin Ioteb'a.”

Ioane 11:48

Ngkana ti katikua b'a E na waaki nako n arona aei, ao a na boni bane aomata n onimakinna, ao ane a na roko I-Rom n urua ara tabo ma ara botannaomata.”

Ioane 12:19

A i taetae ngkanne B'aritaio i rouia, ni kaangai, “Kam noria b'a akea te bae kam kona ni karaoia; noria, e a bane n nako te aba n iria.”

M'akuri 3:18

Ma te Atua are E a kaman tataekinna ni wiia burabeti ni kabane ae E na kamarakaki ana Kristo, E a kakoroa bukina n te aro aei.