Ruka 15:4 - Te B'aib'ara

⁴ Antai i buakomi, ae tebubua ana tiibu, ngkana e bua temanna mai buakoia, ao e na aki kitaniia ake ruangaun ma ruaman n te rereua n ukoukora are bua, ni karokoa rekena?

Ruka 15:4 ပူးပေါင်းရင်းမြစ်များ

Taian Areru 119:176

I m'aninga nako n ai aron te tiibu ae bua; Ukoukorai, ngai ae am Toro, i bukina ngkai I aki m'anuoki am Tua.

Itaia 53:6

Bon tiibu ngaira ni kabane aika a m'aninga nako. Ti a tia n toua nako kawaira n tatabemaniira, ma e anganna te UEA te tuua are ti bon riai ni katuaaeaki iai.

Ieremia 33:13

Ni kaawan aaba ake a tabukibuki, aaba ake a rinano, ao Iuta Maiaki, i abaia kaain Beniamin, ni kaawa ake i rarikin Ierutarem, ao ni kaawan nako Iuta, a na manga warewareki aia tiibu taani kaawakintiibu. Bon aei au taeka Ngai ae te UEA.”

Ieremia 50:6

Au aomata, bon atiibu ngkami aika kam m'arua nako aika a kiitanaki i roun aia tia kaawakintiibu. i aoni maunga. Kam bon aki ururinga naba ami tabo ni motirawa.

Etekiera 34:16

ma ni kakaaia ake a bua ma ni kaokiia ake a tiotio nako, ma ni bauti ikoakiia ake a ikoaki, ao n tararuai maiuia aika a mamaara. N na boni kamateia naba aika a marikarika ao a korakora, i bukina b'a I kakaaraoa ae e raoiroi n taai nako.

Etekiera 34:31

Bon Au tiibu ngaiia; ao Ngai Atuaia, ao boni Ngai ae I kaawakiniia.

Etekiera 34:4

Kam aki roko n te kaawakiniia aika a mamaara ke ni kamaiuia aika a aoraki ke ni bauti ikoakiia aika a ikoaki. Kam kairiia mani katiotionakoia ao kam aki roko n te kakaaia aika a m'arua. Kam iowawa ao kam aki raoiroi nakoia Au tiibu.

Etekiera 34:8

Ngkai I bon maiu Ngai ae te UEA ae te Atua, ao e raoiroi riki ngkana kam ongora Irou. A tia n aki karauaki Au tiibu irouia maan aika a aki manana ake a bon tiringiia ma ni kaniia i bukina b'a akea te tia kaawakin tiibu. A bon aki kani kakaaia tiibu Au tia kaawakin tiibu. A bon iangoi aroia i bon irouia ao tiaki tiibu.

Mataio 12:11

Ao Ngaia E kaekaia ni kangai, “Antai i buakomi, ae iai ana tiibu ae ti temanna i rouna, ae ngkana e b'aka n te m'arua n te Taabati, ao e na aki anaia ni kaaerakea?

Ruka 13:15

Ma E kaeka te Uea ni kangai, “Ngkami aika taani m'am'ana te aba! Tiaki kam bane ni kab'arai rooia ami kao ma ami aati mani neia n am'arake n te Taabati ao kam kairiia nako ni kamoiia?

Ruka 15:3

E kaekaia Iesu ngkanne n te taeka ni kabotau aei:

Ruka 19:10

B'a E roko Natin te Aomata b'a E na ukoukoria akana bua ao E na kamaiuia.

I-Rom 2:1

Ma ngaia ae bon akea aonam, ngkoe ae te aomata ae ko taku n am baire b'a a buakaka aomata nako: b'a ane ko taku b'a e buakaka, ao ko boni motika naba iai taekam ni kabuakakako, i bukina b'a ngkoe ae ko kabuakaka ko boni karaoi naba baikai.

1.Betero 2:25

B'a kam tiotio nako ngkoa n ai aroia tiibu; ma kam a oki ngkai nakon te Tia Kawakini maiumi ma te Tia Tararuai.