Ruka 15:32 - Te B'aib'ara

³² E riai b'a ti na kim'areirei ao ti na kukurei, b'a e mate tarim aei, ao e a manga uti; e bua ao e a manga reke.”

Ruka 15:32 ပူးပေါင်းရင်းမြစ်များ

Taian Areru 51:8

Kaongoraeai ni b'anaan te kim'areirei ma te kukurei; e ngae ngke Ko karawawataai, Ma N na boni manga kim'areirei.

Itaia 35:10

A na oki ma te anene aomata aika e a tia te UEA ni kamaiuia ngkana a rin i Tion. E na riki te kukurei b'a aia bau ni uea ae a na baunna n aki toki. A na bukamaruia ao a na takaarua b'a a nako ni kabane rawawataia ma raraomaia.

Otea 14:9

Ngkana kam wanawana, kam na ataa nanon te b'ai ae I nanonna. Bon te UEA Ngai, ao I kairingkami n te kawai ae e eti. Ti na kaai n nakonako ngkana kam ongotaeka Irou, ma e na toki waemi ngkana kam buakaka.

Mataio 18:11

B'a E roko Natin te Aomata b'a E na kamaiuia akana bua.

Ruka 15:24

b'a e mate natiu aei, ao e a manga uti; e bua, ao e a manga reke.” Ao a botaki ni kim'areirei.

Ruka 15:31

Ao e kangai tamana nako ina, “Natiu, Ko memena i rou n taai nako ao au b'ai ni kabane bon am b'ai.

Ruka 7:34

E roko Natin te aomata ao E am'am'arake ma ni momooi; ao kam kangai, “Nooria, te Aomata ae buabeka ao te tia korowawa ni mamanging; raoraoia taan anai taekiti ma aomata aika buakaka.”

I-Rom 11:15

B'a ngkana e riki kaakan taekaia b'a aroia aomata nako n riki b'a raoraon te Atua, ao tera ngkanne aroia ngkana a manga butim'aeaki? Kaanga ai aroia maate ake a manga uti.

I-Rom 3:19

Ma ti ataia b'a b'aai ni kabane ake a koreaki taekaia n te Tua bon i bukiia te koraki ake a mena i aan te Tua, b'a a aonga n tukaki aomata nako b'a a na aki karaoi aia taeka aika a na reke aonaia iai, ao a na bane ni motikaki taekaia iroun te Atua.

I-Rom 3:4

E bon aki! Ma e na ataaki b'a e koaua ana taeka te Atua, ao bon taani kewe aomata nako; n ai aron are koreaki ni kaangai: “Ane a na kaotiko am taeka b'a e eti arom; Ao ane ko na tokanikai ngkana e motikaki taekam.”