Ruka 15:29 - Te B'aib'ara

²⁹ Ma e kaekaa tamana ni kangai, “Noria, I m'am'akuri i roum b'a kanga te toro ngai i nanon ririki aika bati ni karokoa ngkai, ao I tuai ma n ri aon am tua; ao ko tuai n anganai te kao te teei, b'a N am'arake ni kim'areirei ma raou nako.

Ruka 15:29 ပူးပေါင်းရင်းမြစ်များ

Itaia 65:5

Ao a taku nakoia tem'angina, “Kam na aki kaaniira! Ti katabuaki b'a a na aomata te Atua.” Kaanga taiani bubu aekaki n aomata aikai, aika a kamaraka b'airiu ni katoa bong.

Tekaria 7:3

Ma ngaia are, a tataro, “Tao ti na tanginiwenei ma n aki mamatam i nanon te kanimaua n nam'akaina, n aron are ti karaoia n ririki aika a b'aka nako?”

Maraki 3:14

Aio te b'ai ae kam a tia taekinna, “Bon te waaki n nanobaba te m'akuri iroun te UEA ae Moan te M'aaka. Tera manenan te ongotaeka i rouna ma te nanakonako ni mata ni kananoanga?

Mataio 20:12

Ao a taku, “A m'akuri uake a roko rimwi i nanon ti teuana te aoa, ao ko kabooia ni kaboraoiia ma ngaira, aika ti uota rawawatan te m'akuri i nanon te bong ae b'anin i aani korakorani kabuebuen te riringa!”

Ruka 15:28

Ao ngaia, e un ao e rawa n rin; ao e oti nako tamana ni butiia b'a e na rin.

Ruka 15:30

Ma ngkae e a roko natim anne, ane bakataei am b'ai irouia kabekaau ao ko tiringa te kao te teei ae kamarikaaki i bukina.”

Ruka 15:7

I taku nako imi, b'a e na riki naba ae ai aron aei i karawa, ma e na m'aiti riki iai te kim'areirei i bukin te aomata ae buakaka ae ti temanna ae raira nanona, nakon te kim'areirei i bukiia aomata aika raoiroi aika ruangaun ma ruaman aika akea bureia aika riai n rairi nanoia iai.

Ruka 17:10

Ao ngkami naba, ngkana kam a tia ni karaoi baike kam tuangaki, ao kam na kangai, “Tooro ngaira aika akea manera; ti karaoa ti are ara m'akuri.”

Ruka 18:9

E taekina naba te rongorongo ni kabotau aei Iesu nakoia tabem'aang ake a taku i nanoia b'a a raoiroi, ao a kakeai bonganaia aomata nako:

Ruka 19:21

B'a I makuko, b'a te aomata ae ko matoatoa ngkoe; ko kareke am b'ai mani mwin aia m'akuri aomata, ao ko boboti uaa n taabo ake ko aki ununiki iai.”

I-Rom 10:3

b'a a aki ata te aro are e na kaetaki iai aroia n reitaki ma te Atua, ao a kataia ni karaoa te aro are e na reke iai i rouia; ao aroia aei e a oti iai b'a a rawa n are E a tia te Atua ni karaoia i bukiia.

I-Rom 3:20

B'a akea i matan te Atua te aomata ae e na kaetaki arona n reitaki ma Ngaia ni karaoan nanon te Tua; b'a e ataaki raoi te bure n te Tua.

I-Rom 3:27

Ao e nga te kamoamoa iai? E tukaki! N te tua ra? N tuan te m'akuri? Tiaki; ma e tukaki n te tua n onimaki.

I-Rom 7:9

I maiu ngkoa ngke akea te Tua; ma ngke e roko ana Taeka te Atua n te Tua, ao e a manga uti te bure,

Te Kaotioti 2:17

“Ane iai taningana n ongo ao ke e ongo ana taeka te Tamnei are Raoiroi nakoia ekaretia. “Ane tokanikai ao I a anganna te maana are raba, ao N na anganna te atibu ae mainaina ma te ara ae boou ae koreaki i aona, ae te ara ae akea temanna ae ataia b'a ti ane anganaki.

Te Kaotioti 3:17

Ngkai ko kaangai: I kaub'ai, ao a kabatiaki au b'ai, ao I aki kainano n te b'ai teuana; ao ko aki ataiko b'a te aomata ae e kai nanona ngkoe, ao ko kananoanga; ko aki kaub'ai, ko mataki, ao akea karabaam.