Ruka 15:24 - Te B'aib'ara

²⁴ b'a e mate natiu aei, ao e a manga uti; e bua, ao e a manga reke.” Ao a botaki ni kim'areirei.

Ruka 15:24 ပူးပေါင်းရင်းမြစ်များ

Karikani B'aai 45:28

Ao e taku, “E boni maiu natiu are Ioteb'a. Bon ti anne te b'ai ae I kan ongo taekana. N nangi nako ngkai n nooria i m'aini mateu.”

Itaia 35:10

A na oki ma te anene aomata aika e a tia te UEA ni kamaiuia ngkana a rin i Tion. E na riki te kukurei b'a aia bau ni uea ae a na baunna n aki toki. A na bukamaruia ao a na takaarua b'a a nako ni kabane rawawataia ma raraomaia.

Itaia 66:11

E na m'aneingkami ao e na anganingkami te mwenga raoi, n aron raoi oin tinami, ni karokoa kam rauaki raoi. Kam na onrake n te kukurei n mimitongina ae e kamimii.

Etekiera 34:16

ma ni kakaaia ake a bua ma ni kaokiia ake a tiotio nako, ma ni bauti ikoakiia ake a ikoaki, ao n tararuai maiuia aika a mamaara. N na boni kamateia naba aika a marikarika ao a korakora, i bukina b'a I kakaaraoa ae e raoiroi n taai nako.

Etekiera 34:4

Kam aki roko n te kaawakiniia aika a mamaara ke ni kamaiuia aika a aoraki ke ni bauti ikoakiia aika a ikoaki. Kam kairiia mani katiotionakoia ao kam aki roko n te kakaaia aika a m'arua. Kam iowawa ao kam aki raoiroi nakoia Au tiibu.

Mataio 8:22

Ma E taku Iesu nako ina, “Ko na irai, ao katikuia maate b'a a na bon tauniia aia mate.”

Mareko 8:22

A roko i Betetaita, ao iai aomata ake a kaira temanna ae mataki nakon Iesu, ao a butiia Iesu b'a E na riingnga.

Ruka 10:19

Noria, I a tia n anganingkami te m'aaka b'a kam na kona n tou aoia naeta ma tikaobian, ao n tokanikai i aoni m'aakan nako te Kairiribai, ao akea te b'ai ae kam na kabuanib'ai iai.

Ruka 15:23

ao uota mai te kao te teei ae kamarikaaki, ao tiringnga, ao ti na am'arake ni kim'areirei:

Ruka 15:25

Ao natina are te karimoa, e mena i abaia i marenaua b'a e m'akuri; ao ngke e oki, ngke e kaan ma te auti, ao e ongo tangin te katangitang ma karongoaan te takakaro.

Ruka 15:32

E riai b'a ti na kim'areirei ao ti na kukurei, b'a e mate tarim aei, ao e a manga uti; e bua ao e a manga reke.”

Ruka 15:4

Antai i buakomi, ae tebubua ana tiibu, ngkana e bua temanna mai buakoia, ao e na aki kitaniia ake ruangaun ma ruaman n te rereua n ukoukora are bua, ni karokoa rekena?

Ruka 19:10

B'a E roko Natin te Aomata b'a E na ukoukoria akana bua ao E na kamaiuia.

Ruka 9:60

Ma E taku nako ina, “Katikuia maate b'a a na tauniia aia mate; ma ngkoe, ko na nako n tataekina Uean te Atua.”

Ioane 11:25

E taku Iesu nakoina, “Boni Ngai te manga-maiu ao te maiu; ane onimakinai ao e na boni maiu, e ngae ngkana e a mate:

Ioane 5:21

B'a aron te Tama ngkai E a manga kamaiuia aika mate, ao E angania te maiu, ao ai aron naba te Nati, E anga te maiu nakon ane E bon taku.

I-Rom 11:15

B'a ngkana e riki kaakan taekaia b'a aroia aomata nako n riki b'a raoraon te Atua, ao tera ngkanne aroia ngkana a manga butim'aeaki? Kaanga ai aroia maate ake a manga uti.

I-Rom 12:15

Kam na kim'areirei ma akana kim'areirei; kam na tang ma akana tang.

I-Rom 6:11

Ao ai aromi naba, kam na iangoingkami b'a kam mate nakon te bure, ma kam maiu i bukin te Atua i nanoni Kristo Iesu.

I-Rom 6:13

ao tai angan te bure b'ain rab'atami, b'a a na kabonganaki i bukini kaantaninga aika buakaka; ma kam na anga ngkami nakon te Atua b'a ai aroia aika maiu mai buakoia maate, ao b'ain rab'atami b'a a na kabonganaki i bukini karaoan te eti.

I-Rom 8:2

B'a ana tua te Tamnei, are karekea te maiu nako ira i nanoni Kristo Iesu, e kainaomataai man ana tua te bure ma te mate.

1.I-Korinto 12:26

Ngkana e maraki b'ain te rab'ata teuana, ao a bane naba ni maraki b'ain nako te rab'ata ma ngaia; ao ngkana e karineaki b'ain te rab'ata teuana, ao a bane b'ain nako te rab'ata ni kim'areirei ma ngaia.

I-Ebeto 2:1

Ao ngkami kam mate i bukin riaoakin te tua iroumi ao i bukin ami bure,

I-Ebeto 2:5

b'a ngke ti mate i bukin arora n ririaoakin te tua, ao E kamaiura Kristo, b'a kam kamaiuaki n te akoi,

I-Ebeto 5:14

b'a b'aai ni kabane aika kaotaki a riki b'a te oota. Ao aei bukin are atongaki ni kaangai: “Ko na uti, ngkoe ae ko matu, ao teirake mai buakoia maate, ao e na kaotako Kristo.”

I-Korote 2:13

Ao ngkami, akana kam mate i bukin aromi ni bubure ao i bukina ngkai tiaki ana aomata te Atua ngkami, E a manga kamaiungkami te Atua ma Kristo, ngkae E a tia ni kab'ara ara bure ni kabane;

1.Timoteo 5:6

Ma te aine ae ti te kani kakukureia rab'atana, e boni ngae ngke e maiu, ma e mate.

Iuta 1:12

Te koraki arei a riki b'a kanga baareka n ami botaki n am'arake n i tangitangiri, ngkai a botaki n am'arake ma te aki aubaa, ao a ti tabeakiniia i bon i rouia; kanga naang aika akea te karau i nanoia, aika uouotaki nako n te ang; kanga kaai aika aki uaa n taini kaai n uaa; aika kaai aika kanga uoua aia tai ni mate ao a taekaki mani wakaaia;

Te Kaotioti 3:1

“Ao ko na koroboki nakon ana anera te ekaretia are i Tareteiti ni kaangai: “E kaangai Teuare iai i rouna itoi ake itiua ma tamnei aika itiman ake mairoun te Atua, I atai aroarom; e ataaki taekam b'a ko maiu, ma ko boni mate.