Ruka 15:22 - Te B'aib'ara

²² Ma e taku te tama nakoia ana toro, “Kam na kawaetataingkami n uota mai te kunnikai are moan te tamaroa, ao karinna i aona. ao kam na karina te burenibai i taboni baina, ao karini kauniwae i waena;

Ruka 15:22 ပူးပေါင်းရင်းမြစ်များ

Karikani B'aai 41:42

Ao e buuta ana m'am'a te uea mai baina, te m'am'a are e mena i aona ana kanikina te uea, ao e karinna i aon bain Ioteb'a. Ao e karina naba te kunnikai ae tamaroa i aon Ioteb'a, ao e karina te m'ae te tiein ae te koora i aon roroana.

Etita 3:10

Ao e buuta ana m'am'a te uea are e kakabongana n titamb'ana ana katanoata ma ni karikia b'a te b'ai ae e tabuaki, ao e anga nako ana m'am'a arei nakon aia kairiribai I-Iutaia are Aaman, are natin Ammetata te m'aane, are kanoan Akaaka.

Etita 8:2

Ao e buuta ana m'am'a te uea are e mena ana kanikina i aona (are e a tia ni kaokia mairoun Aaman) ao e angan Moretekai. Ao e mwiokoa Morotekai Nei Etita b'a e na tararuai ana b'ai Aaman.

Taian Areru 132:16

N na kakab'aiaia ana ibonga ni b'aai ni kabane akana a karaoi, Ao a na takaakaa n anene ma te kakatonga ana botannaomata.

Taian Areru 132:9

A na b'ab'aina te eti am ibonga n taai nako; a na anene n takaakaa ni kakatonga am botannaomata!

Taian Areru 18:33

E kabirim'akai waeu; n ai aron te ria E buokai b'a N na aki kabuanib'ai i aoni maunga.

Taian Areru 45:13

E mena te aine are na iein ma te uea n te bareti-ai botonaine ra! E karaoaki ana kunnikai n te karai ae te koora.

Ana Anene Toromon 7:1

Bon te natinuea te aine ngkoe, ao a kakateke waem i nanon am kau. Boton rangam bon ana m'akuri te tia karaob'ai ae e tabonibai, aika te naan tirewa ni kauaai;

Itaia 61:10

N na karaoa au bootaki ni kukurei ao n takaarua i bukin au UEA ae te Atua. I a kunnikaiai ni m'aakan ana m'akuri ni kakamaiu ao ana motikitaeka ae Eti. A rangi n tamaroa riki nakon b'aai ni katamaroa aika a b'aab'ainaki iroun te kabae te aine ke te kabae te m'aane.

Ruka 15:21

E taku te nati nako ina, “Tamau, I a tia ni bure nakon Teuare i karawa ao nako im; I aki tau b'a N na atongaki b'a natim.”

Ruka 15:23

ao uota mai te kao te teei ae kamarikaaki, ao tiringnga, ao ti na am'arake ni kim'areirei:

I-Rom 13:14

Ma kam na anai ana b'ai ni buaka nako te UEA are Iesu Kristo, ao tai karekei aia tai rab'atami aika bubure b'a a na iri nanoia ni kaib'ab'aru.

I-Rom 3:22

E kaeti aroia aomata te Atua n reitaki ma Ngaia n onimakinan Iesu Kristo i rouia; ao E karaoa aei nakoia aomata ni kabaneia aika onimakina Iesu.

I-Rom 8:15

B'a te Tamnei are kam anganaki E aki karikingkami b'a tooro, ao E aki karika te maku i nanomi; ma kam anganaki te Tamnei ae e natinaki te aba i rouna, ao ae ti a kona i rouna ni kaangai iai: “Aaba Tamara!”

I-Karatia 3:27

B'a ngkami ni kabaneingkami akana kam b'abetitoaki nako nanoni Kristo, kam a karina Kristo i aomi b'a kanga ai aron te kunnikai.

I-Ebeto 6:15

ao kauniwaeningkami n te tauraoi n taekina euangkerion te raoi.

Te Tua-Kaua 33:25

ao a na reke mataroan am kaawa aika matoatoa aika te buraonti ao te biti b'autiia. A na korakora ami aomata ni kabane bongin maiuia.

Te Kaotioti 19:8

E a tia n anganaki neierei kunnikaina ae te rinen ae e raoiroi ae raneanea ae itiaki b'a e na b'ainna. (Te rinen ae e raoiroi, bon aroia ake a itiaki ni kakaraoa nanon te Atua ni maiuia).

Te Kaotioti 2:17

“Ane iai taningana n ongo ao ke e ongo ana taeka te Tamnei are Raoiroi nakoia ekaretia. “Ane tokanikai ao I a anganna te maana are raba, ao N na anganna te atibu ae mainaina ma te ara ae boou ae koreaki i aona, ae te ara ae akea temanna ae ataia b'a ti ane anganaki.

Te Kaotioti 3:18

Ma ngaia ae aio au taeka n reirei nako im: ko na kabooa te koora ae irou, ae te koora ae aki rengarengan, b'a ko aonga ni kaub'ai. Ko na kabooi kunnikai aika mainaina b'a ko aonga ni kunnikaiko, ao b'a e aonga n aki noraki arom n aki karabaniko ae kamamaa; ao ko na kabooa naba b'aini kabiran te mata ni kabiri matam iai, b'a ko aonga n noraba.

Te Kaotioti 6:11

Ao a bane n anganaki kunnikai aika m'arairai aika mainaina; ao a tuangaki b'a a na motirawa ni katoki kuaia ni kamaniia teutana, ni karokoa ae e koro raoi m'aitiia raoia n toro ma tariia ake a nang kamateaki n ai aroia naba.

Te Kaotioti 7:9

I mwini baikai ao I taratara nako, ao noria, aomata aika rangi ni m'aiti aika mani botannaomata ni kabaneia, ma baronga, ma natanaomata, ao mani botannaomata nako aika a kakaokoro aia taetae; ao akea temanna ae kona ni wareki m'aitiia. A tei i nanoaan te kaintokanuea, ao i matan te Tiibuteteei, ao a kunnikaiia ni kunnikai aika m'am'arai aika mainaina, ao baanikaai aika ai aroni baan te ni i nanoni baiia;