Ruka 15:17 - Te B'aib'ara

¹⁷ Ma ngke e a manga reke nanona ae wanawana, ao e taku, “Ai m'aiti ra ana toro tamau ake a kabooaki aia m'akuri aika kau am'arake ao ngai I a mate ni baki ikai!

Ruka 15:17 ပူးပေါင်းရင်းမြစ်များ

Taian Areru 119:59

I iangoi aroarou, ao I a manga rairaki n tou mwin am Taeka.

Taian Areru 73:20

Ti te bo ngaiia ma te mii are toki kaotina n te ingabong; Ngkana Ko uti, Te UEA, ao a mauna naba.

Te Minita 9:3

E bon rangi n aki riai b'a e na booraoi rikin te b'ai ae ti teuana nakoira n tatabemaniira nako. Ti bon tei ni baba, ao ti rangirang ngkai ti maiu, ao i mwiina ti a manga mate.

Ieremia 31:19

Ngke ti uarereke ngkoa, ti m'aninga nako ao ti bure, ma i mwiina ti uringaaba n te b'ai ae ti a tia ni karaoia. Ti mamaa ao ti b'ainrang. ao ti tangiria n okiriko.”

B'aeb'aeti 1:7

Ngkami aika kaain Ierutarem, kam na uringi b'aai aika a tamaroa ni boong aika a b'akanako. Ngke e b'aka irouia ana kairiribai ao bon akea ae kani buokia. Ao a ngareakinna ana kairiribai ngke e a konaaki.

Etekiera 18:28

A na iangoi baike a tia ni karaoi ao a na katoka karaoan te bure, b'a aonga n aki tiringaki.

Otea 2:7

E na biri rimwiia ana tangira, ma a na aki reke i rouna; E na ukoriia ma a na aki reke. Ao ane e na kaangai, “N na okira moan buu. N na bon oi n aomata riki iai.”

Ruka 15:16

Iai nanona ni kani kana kanaia beeki ake a kang, ma akea ae anganaki maiai.

Ruka 16:23

ao ni menana i Eriti, ngke e taonaki n te maraki ae korakora, ao e tararake; ao e nora Aberaam b'a e mena i kiraroa ma Rataro i rarikina.

Ruka 8:35

A nako aomata b'a a na nora te baere e a tia n riki, ao a roko iroun Iesu, ao a nora te aomata are a tia n oti nako mai rouna taimonio, b'a e tekateka i rarikini waen Iesu: e kunnikainna ao e a eti ana iango; ao a maaku aomata.

M'akuri 12:11

Ngke e a oki ana iango Betero, ao e taku, “I a ataia ngkai b'a E kanakomaia ana anera te UEA, ao E kamaiuai mai nanoni bain Erote, ao mani b'aai ni kabane ake a kaantaningai I-Iutaia b'a a na karaoi.”

M'akuri 2:37

Ngke a ongo aei aomata ao a teke nanoia; ma ngaia are a taku nakoni Betero ma taan tuatua ake raona, “Taari, tera ae ti na karaoia?”

I-Ebeto 5:14

b'a b'aai ni kabane aika kaotaki a riki b'a te oota. Ao aei bukin are atongaki ni kaangai: “Ko na uti, ngkoe ae ko matu, ao teirake mai buakoia maate, ao e na kaotako Kristo.”