Ruka 15:13 - Te B'aib'ara

¹³ I mwini boong tabeua, ao e kabane tib'ana teuare te karimwi n rairi nakon te m'ane, ao e kitana mwengana n nako n te aba ae raroa, ao e kabanei iai n te aro ni maiu ni bakatae.

Ruka 15:13 ပူးပေါင်းရင်းမြစ်များ

Taian Areru 73:27

A na kabuanib'ai maiuia akana kitaniko; Ko na kamateia akana aki kakaonimaki nakoim.

Taeka n Rabakau 18:9

Bon akea okoron te taningaroti ma karaoan te kakiriwe.

Taeka n Rabakau 21:17

Taani mooi manging ao tabem'aang aika a ti kakaaea te kukurei a na bane n akea aia b'ai aike irouia.

Taeka n Rabakau 21:20

B'aina te iangoraoi ao kaikoa te kaub'ai aika a kakaawaki— kam na aki bakataei n ai aron te nanobaba.

Taeka n Rabakau 27:8

Ngkana ko raroa nako ma ni mwengam, ao ko namakinna b'a kaanga ai aron te mannikiba ngkoe ae akea ngaona.

Taeka n Rabakau 28:7

Bon te waaki ni wanawana te ongotaeka nakon ana Tua te Atua, ma ko kamamaaeia am karo ngkana ko iraorao ma aomata aika akea manenaia.

Taeka n Rabakau 29:3

Ngkana ko tangira te wanawana ao a na kukurei am karo, ma kaakawaraia aine aika a buakaka e na kabuai am b'ai ni kabane.

Taeka n Rabakau 6:26

Te aine ae e kabooa nako ana tangira e konaa ni kabooaki n ae e rangi ni uarereke ae kaanga boon te iriko. Ma te kareke tangira ma buun te m'aane temanna e na bon anai b'aai ni kabane mairoum.

Itaia 1:4

Iteraera, bon te botannaomata ngkoe ae ko buubure, ao ko onrake n te kaairua. Ko rangi ni buakaka, ao ko kam'araa ao ko a tia n tannako mai roun te UEA, ae Atuaia Iteraera ae te Atua ae tabu.

Itaia 22:13

Ma kam aki b'a kam karaoi ami bootaki n am'arake ma ni kang iriko ni kao ao iriko n tiibu ao kam mooi wain, i bukina ngke kam kaangai, “Ti a am'arake ma ni mooi! b'a ae ti na mate nakon te ingabong.”

Itaia 30:11

Ani katoka te b'ai ae e a tia n taekinna te Atua! Ti aki kani manga ongo taekan Atuaia Iteraera ae e tabu.

Itaia 56:12

Kam taku i bon iroumi, “Ti na mooi ni karokoa ti a manging! Ao ti na manga karaoia nakon te ingabong. Ti na bon kakukureira.”

Ieremia 2:13

Kam a tia ni bure ngkami aika au aomata ni b'aai aika uoua kam a tia ni katinanikuai, Ngai ae Nen te ran ni kamaiu ao kam kataia n itiia ami ran n taian ni ne n ran aika tabwenaua aika a raran aika a kekenaki i nanon te tano.

Ieremia 2:31

Ao ngkai kam na ongo nakon te b'ai ae I taekinna! Iai te tai ae I kiitaningkami iai i nanon te rereua ke I katobibingkami n te rootongitong? Bon au aomata ngkami, ao i rarikin anne kam a tia ni kaangai nako iu, “Ti na karaoa te b'ai ae ti tangiria, ao ti rawa n taromauriko!”

Ieremia 2:5

ao N na taetae Ngai ae te UEA. I aki roko n te karaoa ae e buakaka nako ia ami bakatibu, ma a kiitanai ao a riki n aki manena ngke a iriia bouananti aika akea manenaia.

Mika 6:3

E taku te UEA, “Tera ae I a tia ni karaoia nakoimi au Aomata? Tera arou ae I a tia ni karawawataingkami iai? Kam na kaekaai.

Ruka 15:12

E taku teuare te karimwi nakon tamana, “Tamau, ko na anganai tib'au are e na reke i rou man am b'ai.” Ma ngaia are e a tib'ai ana b'ai nakoia natina.

Ruka 15:14

Ngke a bane ana b'ai, ao e roko te rongo ae korakora n te aba arei, ao e a rotaki n te kainano.

Ruka 15:30

Ma ngkae e a roko natim anne, ane bakataei am b'ai irouia kabekaau ao ko tiringa te kao te teei ae kamarikaaki i bukina.”

Ruka 16:1

Ao E taku naba Iesu nakoia ana reirei, Iai ngkoa te aomata ae kaub'ai, ae iai ana manatia; ao e uotaki taekan te manatia arei nako ina b'a e bakataei ana b'ai.

Ruka 16:19

Temanna te aomata ngkoa ae kaub'ai, ae e kunnikainna ni kunnikai aika bo buaka aika uraro ao a mainaina, ao e kukukurei n am'arake raoi n te bong ae koraki.

I-Ebeto 2:13

Ma ngkai kam a katiteuanaki ma Kristo Iesu, ngkami ake kam raroa nako ngkoa ma te Atua, kam a riki ni kaan n raraani Kristo.

I-Ebeto 2:17

Ma ngaia are, E roko Kristo ao E tataekina te raoi nakoimi aika kam raroa nako ngkoa ma te Atua, ao nakoia naba aika kaani ma Ngaia.

2.Betero 2:13

ao a na kamarakaki b'a booni mwin te kamaraki are a a tia ni karaoia nakoia tem'angina. Bon te b'ai ni kakukurei nakoia karaoan te b'ai ae buakaka ae a na kukurei iai rab'ataia i nanon te ngaina; a buakaka aroia ma n aki tau ngkai a raoningkami n ami baka n am'arake, ao a maiu nanoia n aroia ni m'am'anaa te aba.