Ruka 14:28 - Te B'aib'ara

²⁸ B'a antai i roumi ae kani katea te auti ae buubura, ao e na aki tekateka moa ni wareka m'aitini boona, b'a tao e na tau ke e na aki i bukini katiana?

Ruka 14:28 ပူးပေါင်းရင်းမြစ်များ

Taeka n Rabakau 24:27

Katauraoi moa am tawaana ao uniki arokam i m'aain katean mwengam.

Mataio 10:22

ao ane kam na ribaaki irouia aomata ni kabaneia i bukin arau. Ma ane nanom'aka ni karokoa matena, ao e na kamaiuaki.

Mataio 8:20

E taku Iesu nako ina, “Iai nneia ni maeka kameaanti ao ngaoia manin aan-nang, ma akea nnen Natin te Aomata ae E na kawenea iai atuna.”

Ruka 14:27

Ane aki uouota ana kaibangaki, n ri mwiu, ao e aki kona n riki b'a au reirei.

Ruka 14:29

B'a ngkana e a tia ni karaoa aana, ao e aki kona ni katiaa te auti, ao e na ngareakinaki irouia aomata ake a noria.

Ruka 14:33

Ma ngaia are ngkana iai i buakomi ae aki kitan ana b'ai ni kabane, ao e aki kona n riki b'a au reirei.

M'akuri 21:13

E taku ngkanne B'auro nakoia, “Tera ae kam karaoia ngkai kam katumaua te tang, ma n urua nanou? B'a I a tauraoi nakon tiaki ti te kabaeaki, ma nakon naba te mate i Ierutarem i bukin aran te UEA are Iesu.”