Ruka 14:14 - Te B'aib'ara

¹⁴ ao ko na kakab'aiaki iai; b'a a aki kona ni manga kabooa mwin are ko karaoia nako ia. Ane e na kaboaki nako im mwin are ko karaoia n te tai are a manga uti iai aomata ake a raoiroi ake a tia ni mate.

Ruka 14:14 ပူးပေါင်းရင်းမြစ်များ

Taeka n Rabakau 19:17

Tararuaakin te kainano bon te angab'ai nakon te UEA, ao ane kam na manga kabooaki raoi.

Mataio 6:4

b'a e aonga n raba am angab'ai; ao E na anganiko te b'ai n tituaraoi Tamam, ae nora ae raba, b'a am b'ai.

Ruka 14:13

Ma ngkana ko karaoa te am'arake, ao ko na kaoiia akana aki kaub'ai ma akana a aki toamau b'ain rab'ataia, ma akana aki kona te nakonako raoi, ma akana a mataki,

Ioane 5:29

ao a na oti nako mani neia ni mate: akana tia ni karaoa ae e raoiroi nakon te maiu, ao akana tia ni karaoa ae buakaka nakon te rekenikai.”

M'akuri 24:15

Boni iai ae I kaantaningaia mairoun te Atua, ae a kaantaningaia naba: b'a iai te manga-maiu irouia aomata aika raoiroi ma aika buakaka aika tia ni mate.