Ruka 14:13 - Te B'aib'ara

¹³ Ma ngkana ko karaoa te am'arake, ao ko na kaoiia akana aki kaub'ai ma akana a aki toamau b'ain rab'ataia, ma akana aki kona te nakonako raoi, ma akana a mataki,

Ruka 14:13 ပူးပေါင်းရင်းမြစ်များ

2.Tamuera 6:19

Ao e anganiia m'aane ma aine ni kabane ake n te koraki arei teutana te kariki, ao teutana te iriko ni man, ao te abutana te kureebe ae e m'au, ao a bane n okiri mwengaia aomata nako.

2.Rongorongo 30:24

Ma ngaia are, e anga Etekia teuana te ngaa te kao ao itiua te ngaa taian tiibu aika a na kareanaki ma ni kabonganaaki b'a te am'arake are e tabu. Ao ana mataniwi a anga teuana te ngaa taian kao ao tebwina te ngaa taian tiibu, ao a manga m'aiti riki ibonga ake a kukurei nanoia b'a a na ri nanon te bootaki i bukin kaitiakaia.

Neemia 8:10

Ao e taku Neemia nakoia aomata, “Kam na kukurei ni kang kanami ao n nim nimami aika a raraoi ao ni i buokanib'ai iai ma raomi aika akea uotaia. Kam na aki nanokawaki! Bon ana bong te UEA ae e kaokoro te bong aei, ao E na bon kakukureingkami ma ni korakoraingkami.”

Neemia 8:12

Ao ngke a oki aomata nakon mwengaia, ao a kukurei n am'arake ao n tib'ai kanaia ma raoia aika a tangira buokaia, i bukina ngke a ataa nanon te b'ai are e a tia ni warekaki nakoia.

Iobi 29:13

A neboai aomata ake a mena i nanon te rawawata ae moan te korakora, ao I buokia aine aika mate buia ni karekea te kukurei nako ia.

Taeka n Rabakau 14:31

Ngkana kam karaoa ae e aki riai nakon te aomata ae e maiu ni kainano, ao kam bon kamamaaea iai te Tia Karikib'ai; ma ngkana kam akoia, ao kam bon kaota iai karineana.

Taeka n Rabakau 22:9

E kakab'aiaia aomata nako te UEA akana a anga te am'arake n akea boona nakoia aomata aika a maiu ni kainano.

Itaia 58:10

Anga kanam nakoia akana a baki ao kaawakiniia akana akea aia auti. Ao ane e na oota iai am taura i nanon te roo; A na riki b'a kaanga te tawanou am aoa aika a rangi n rootongitong.

Itaia 58:7

Tib'aa kanami nakoia aomata nako aika a bora ni baki; Tib'aa ami auti ma te aomata ae e maiu ni kainano, ao ae akea ana auti; Anga te kunnikai nakoia akana a kananoanga; kam na aki tannako mairouia ami koraki nako.

Mataio 15:30

Ao a nako Ina aomata aika rangi ni m'aiti, ao a kairiia m'auku, ma mataki, ma ake a aki kona n taetae, ma raoia n aoraki aika bati, ao a katikuia i rarikini waen Iesu, ao E kamaiuia;

Mataio 22:10

Ao a nako tooro akekei nakoni kawai nako, ao a botiia aomata ni kabaneia, akana buakaka ma akana raoiroi, ake a bo ma ngaiia; ao e on te tabo ni baka i rouia.

Ruka 11:41

Ma kam anga b'ai ake i nanon ami m'angko ma ami raurau b'a b'aai n akoi; ao noria, a bane n itiaki b'ai ni kabane i bukimi.

Ruka 14:12

Ao E taku nakon teuare kakao, Ngkana ko karaoa te am'arake ni kam'aitia i bukin te tawanou ao te tairiki, ao tai kaoiia raaraom ke tarim ma am buu, ke raom aika kaub'ai aika a maeka ni kaan ma ngkoe, b'a a kaawa ni manga kaoko naba, ao e kabooaki nako im mwin are ko karaoia.

Ruka 14:14

ao ko na kakab'aiaki iai; b'a a aki kona ni manga kabooa mwin are ko karaoia nako ia. Ane e na kaboaki nako im mwin are ko karaoia n te tai are a manga uti iai aomata ake a raoiroi ake a tia ni mate.

Ruka 14:21

Ngke e oki te toro arei, ao e taekini baikekei nakon ana mataniwi. Ao e un iai teuare ana auti te auti, ao e taku nakon ana toro, “Kawaetatako naako ni kawain te kawa ao kawai i rarikin auti, ao kairiia mai akana aki kaub'ai ma akana aki toamau b'ain rab'ataia ma akana aki kona n nakonako raoi, ma mataki.”

M'akuri 9:39

Ao e teirake Betero, ao e airi ma ngaiia. Ngke e roko, ao a kairiia nakon te ru are i eta; a tei n tang aine ake a mate buia i rarikini Betero, ao a kaoti kabaraki ma kooti ake e karaoi Nei Toreka i nanon ana tai ni maiu.

Te Tua-Kaua 14:29

Bon akea abaia kanoan Rewi, ma ngaia are, kam na anganiia kanaia man te autinib'ai. Ao kam na anganiia naba kanaia aomata aika kainano, n reitaki ma ataei aika akea aia karo, aine aika akea buuia, ao taian iruwa,. Ngkana e reke kanaia ae tau nakoia, ao ane E na kukurei iai te UEA ae Atuami, ao E na katekeraoingkami ni b'aai ni kabane akana kam karaoi.

1.Timoteo 3:2

E riai iroun te mataniwi n te ekaretia b'a a na akea arona ae na kabuakakaki iai; e riai n ti temanna buna, e na taua baangina, e na b'aina te nanowanawana, e na rabakau te aroaro, e na akoia iruwa, ao e na rabakau n reireiia aomata;

1.Timoteo 5:10

ao e kakoauaki b'a te aine ngaia ae kakaraoi m'akuri aika raraoi, n arona ni kaikawaia natina, n akoia iruwa, n teboki waeia raona ni Kristian, ni buokiia aika rawawata, ao n arona ni botum'aka ni karaoi m'akuri aika raraoi ni kabane.

Tito 1:8

ma e na akoakoia iruwa, e na tangira te raoiroi, e na iango raoi, e na b'ab'aina te eti, e na katabua maiuna nakon te Atua, ao e na taona nanona mani baika e tangiri te rab'ata;

Biremon 1:7

B'a e bati au kim'areirei ma kabebetean nanou n am tangira, tariu, b'a a kamaiuaki nanoia ake a itiaki i roum.

Ebera 13:2

Kam na ururinga akoaia iruwa. Iai tabem'aang aika karaoa anne, ao a aki ataia iai b'a a tia naba n akoia anera.