Ruka 14:12 - Te B'aib'ara

¹² Ao E taku nakon teuare kakao, Ngkana ko karaoa te am'arake ni kam'aitia i bukin te tawanou ao te tairiki, ao tai kaoiia raaraom ke tarim ma am buu, ke raom aika kaub'ai aika a maeka ni kaan ma ngkoe, b'a a kaawa ni manga kaoko naba, ao e kabooaki nako im mwin are ko karaoia.

Ruka 14:12 ပူးပေါင်းရင်းမြစ်များ

Taeka n Rabakau 14:20

Bon akea raoraom ngkana kam maiu ni kainano, ma a na bon rangi ni m'aiti raoraom ngkana kam kaub'ai.

Taeka n Rabakau 22:16

Kam ruuti ngkana kam kewea te aomata ae e maiu ni kainano ke kam anga te b'aintangira nakon te kaub'ai.

Mataio 5:46

B'a ngkana kam tangiriia akana tangiringkami, ao tera te b'ai n tituaraoi ae kam na karekea iai? Tiaki a karaoa naba aei taan anai taekiti?

Ruka 1:53

E katoki nanoia akana aki kaub'ai ni baika raraoi, ao E kanakoia akana kaub'ai n aki kab'aib'aia.

Ruka 1:58

Ao a ongo raon nako Nei Eritabeta ma ana utu b'a E rangi n akoi te Uea nako ina, ao a kim'areirei ma ngaia.

Ruka 14:11

B'a ane kakannatoa i bon i rouna, ao e na kamangoraki; ao ane kamangoria i bon i rouna, ao e na kakannatoaki.

Ruka 14:13

Ma ngkana ko karaoa te am'arake, ao ko na kaoiia akana aki kaub'ai ma akana a aki toamau b'ain rab'ataia, ma akana aki kona te nakonako raoi, ma akana a mataki,

2.I-Korinto 6:13

Kam na karaoa naba nako ira ae ti karaoia nako imi. I taetae nako imi kanga ataei. kam na aki karabai naba nanomi!