Ruka 14:11 - Te B'aib'ara

¹¹ B'a ane kakannatoa i bon i rouna, ao e na kamangoraki; ao ane kamangoria i bon i rouna, ao e na kakannatoaki.

Ruka 14:11 ပူးပေါင်းရင်းမြစ်များ

2.Tamuera 22:28

Ko kamaiuia aika a nimaamannei, ma Ko iaiangoa kab'akaan te aomata ae e kainikatonga.

Etita 6:10

Ao e taku te uea nakon Aaman, Kawaekoako anai niiniira ni b'aakuaku ma te aoti, ao katauraoi baikanne i bukin Moretekai are te I-Iutaia. Karaoi b'aai ni kabane nakoina n aron are ko a tia n taekinna. Naako nooria i mataroan te bareti.

Iobi 22:29

E kab'akaia aika kainikatonga te Atua, ao E kamaiuia aika nanorinano.

Taian Areru 138:6

Ko boni ngae ni mena i eta ike rietaata, ma Ko bon tabeakiniia naba akana nanorinano, Ao a aki kona n raba mairoum akana kainikatonga.

Taian Areru 18:27

Ko kamaiuia akana mangori, ao Ko kamangoria akana kainikatonga.

Taeka n Rabakau 15:33

E na kawanawanaingkami kaotan karinean te UEA ao e na uota te karineaki nakoim te nanorinano.

Taeka n Rabakau 18:12

E kairiko te kainikatonga nakon te kamaunaaki; e kairiko te nanorinano nakon te neboaki.

Taeka n Rabakau 25:27

Tai kabatia kanakin ana karewe te manibeeru ke n tangira te neboaki n taai nako.

Taeka n Rabakau 29:23

E uota te kamamaaeaki te kainikatonga ae e bati; e karekea te neboaki te nanorinano.

Itaia 2:11

Ngkana e roko te UEA, ao a na kananorinanoaki aomata ngkoa ake a kamoamoa, ao e na neboaki te UEA n ti ngaia.

Itaia 2:17

Ngkana e roko te bong anne, ao a na bane aika a kamoamoa ni kab'akaaki. Bon ti te UEA ae e na neboaki.

Itaia 57:15

E maiu n aki toki Atuara n taiani karawa, ao aei ana taeka: Ngke I maeka n ae e rietaata i eta n te tabo ae e tabu, ma I bon mena naba ikai b'a N na buokiia aika nanorinano aika a ti mwiokoai.

Mataio 23:12

ane karietata ao e na kamangoraki, ao ane kamangoria ao e na karietataki.

Ruka 1:51

E karaoi m'akuri aika m'aaka ni baina, E kamaaeia nako akana kainikatonga n iangoan nanoia.

Ruka 1:52

E kab'akaia akana korakora man aia kaintokanuea, ao E karietataia akana mangori;

Ruka 14:12

Ao E taku nakon teuare kakao, Ngkana ko karaoa te am'arake ni kam'aitia i bukin te tawanou ao te tairiki, ao tai kaoiia raaraom ke tarim ma am buu, ke raom aika kaub'ai aika a maeka ni kaan ma ngkoe, b'a a kaawa ni manga kaoko naba, ao e kabooaki nako im mwin are ko karaoia.

Ruka 18:14

Ao E taku Iesu, “I tuangngkami b'a e nako teuare te tia anai taekiti nakon ana auti ma raun nanona b'a a kab'araki ana bure, ma e aki reke aei iroun teuare te B'aritaio, b'a ane e karietata ao e na kamangoraki; ao ane e kamangoria ao e na karietataki.

Iakobo 1:9

Ke e kim'areirei te tari ae aki kaub'ai ngkae e karietataki;

Iakobo 4:10

Kam na nanorinano i matan te Uea, ao ane E na karietataingkami.

Iakobo 4:6

Ma E kabatia te akoi n anga; ao anne bukin are e kaangai te B'aib'ara.” “E rawa nakoia akana kainikatonga te Atua; Ma E angania akana nanorinano te akoaki.”

1.Betero 5:5

Ao i bukimi ngkami aika kam ataei riki: kam na aan-taeka irouia unimm'aane. Ao kam na b'aina te nanorinano n aromi n i torotoro iroumi; b'a e kaangai te B'aib'ara: “B'a E ekianako akana kainikatonga te Atua, ao E akoia akana nanorinano.”

1.Betero 5:6

Ma ngaia ae kam na kananorinanoingkami i aani bain te Atua ae baina ae m'aaka, b'a E aonga ni karietataingkami n te tai ae riai.

1.Tamuera 15:17

Ao e reitanako ana taeka Tamuera ao e taku, “Ko na tai iangoia b'a ko a rangi ni kakannato, b'a E rineiko te UEA b'a ko na uea b'a ko na tararuaia barongan Iteraera.