Ruka 13:35 - Te B'aib'ara

³⁵ Noria, e nang katukaki ami kawa i bon i rouna n aki tabeakinaki. Ao I tuangkami b'a kam na aki manga norai ni karokoa te tai ane kam na kangai, ‘E na karaoiroaki Teuae nako mai n aran te Uea.’ ”

Ruka 13:35 ပူးပေါင်းရင်းမြစ်များ

Taian Areru 118:26

E na kakab'aiaki iroun te Atua te aomata ae nako mai n aran te UEA! Ti taetae ni kakab'aiaingkami man te Tembora ae ana Auti te UEA.

Taian Areru 69:25

E bia kitanaki aia tabo ni maeka, n akea naba temanna ae maiu ae na tiku ni mwengana.

Itaia 52:7

Ai kakatekera taraan te tia uarongorongo ri aoni maunga ae e touakina ae e kaangai nako Ierutarem, “Te rongorongo ae e raoiroi! Kam a kamaiuaki. E nang roko te rau. E a UEA ngkai Atuami.”

Ieremia 22:5

Ma ngkana kam aki katinanikuai, ao I berita ni bon arau b'a e na wene n uruaki te bareti aei.

Ieremia 35:17

Ngai ae Atuami. Bon te UEA Ngai ae Moan te M'aaka, ao I kauringkami ni b'aai aika a kakamaaku aika a na riki nako imi ngkana kam aki ongo i Rou. Kam a tia katinanikuai, ma ngaia are, e a oroiko te kabuanib'ai. Bon aei Au taeka Ngai ae te UEA.

Mika 3:12

Ao i bukim, e na kamarauaki Tion kaanga te tawaana, ao e na riki Ierutarem b'a b'ariko ni b'ai aika a uruaki, ao tabukin te Tembora, e na riki b'a te buakonikai.

Tekaria 12:10

Boni Ngai ae te UEA ae N na karaoa ana kariki Tawita ma kaain Ierutarem b'a a na rangi n nanokawaki ao a na tataro ngkana a noora te aomata are e ewaraki n te kainiwai. A na tang ma n tanginiwenei i bukina, kaanga kaaro aika a tang i bukin maten natiia te rikitemanna ke aia karimoa.

Tekaria 14:2

Ma te moan b'ai ae e na karaoaki, E na karokoia moa botannaomata nako b'a a na buakana Ierutarem-a na iraeaki b'ain nako te mwenga, a na tauaki aine, ao a na katikitikaki iteran te botannaomata, e ngae ngke iai tabeman ake a na kariaiakaki n tiku.

Mataio 21:9

Ao a takarua aomata ake a ri moana ao ake a ri mwina, ni kangai, E na neboaki Natin Tawita! E na kakab'aiaki Teuae nako mai n aran te Atua. E na neboaki te Atua!

Mataio 23:37

Ierutarem, Ierutarem, ae ko kamamateia burabeti, ae ko karebanaia ake a kanakomaiakaki nako im, ai bati ra au kani bobotiia am aomata, n ai aron te moa aine ngkana e botiia bunna i aani baina, ma kam rawa!

Ruka 19:41

Ngke E a kaan riki Iesu ma te kawa ao E taraia, ao E tangi nanona i bukina b'a E nanoangaia,

Ruka 21:24

ane a na tiringaki n te kabaang, ao ane a na kairaki nako b'a taenikai ao a na kauamaaeaki nako buakoia botannaomata i aonnaba; ao ane na uruaki Ierutarem irouia aomata aika tiaki I-Iutaia, ni karokoa tokin aia tai.

Ioane 12:13

A anai baanikaai aika aroni baan te ni, ao a nako ni butim'aia, ao a takarua ni kaangai, “E na neboaki te Atua! E na kakab'aiaki Teuae nakomai n aran te Atua. E na kakab'aiaki aia Uea Iteraera!”