Ruka 13:34 - Te B'aib'ara

³⁴ “Ngkami, aika kaain Ierutarem, aika kam aki toki ni kamateia burabeti ao kam karebanaia ake a kanakoaki nako imi! Ai m'aiti ra au kani boboti ngkami, n ai aron te moa aine, ngkana e botiia natina i aani baina, ma kam rawa!

Ruka 13:34 ပူးပေါင်းရင်းမြစ်များ

Neemia 9:26

Ma e ngae n anne, ao a bon kakaitaraa naba ma n aki ongotaeka nakon am tua. A tiringiia am burabeti ake a aki toki ni kaakauringiia b'a a na rairaki nakoim, ao a karereantia aram.

Neemia 9:30

Ko teimatoa n taotaona nanom, ao Ko kauringiia n Tamneim n ririki aika a m'aiti n am rongorongo ake Ko taekin rinanoia am burabeti. Ma a bon teimatoa naba n rawa n ongo, ao Ko anga ngaiia nakoia aia kairiribai.

Taian Areru 149:2

Kam na kukurei, ngkami te botannaomata ae Iteraera, i bukin ami Tia Kariki-b'aai; Kim'areirei, ngkami kaain Tion, i bukin ami uea!

Taian Areru 17:8

Kawakinai n ai aroni kawakinan ataeini matam; karabaai i aan nuuni baim ni kiba.

Taian Areru 36:7

Te Atua, ai kakawakira am Tangira ae Teimatoa! A bane aomata ni kataniia iroum, i aan nuuni baim ni kiba.

Taian Areru 57:1

Ko na nanoangaai, te Atua, Ko na nanoangaai, B'a boni Ngkoe reken rauni maiu. Ko kamanoai i aan nuuni baim ni kiba ni karokoa e toki karen angibuakan te maiu.

Taian Areru 81:13

Bon au kaantaninga b'a a bia ongo irou au botannaomata! A bia ongotaeka irou!

Taian Areru 91:4

E na rabuniko ni baina kanga ai aron te mannikiba ni kawakinia bunna i aani baina; E kakaonimaki te Atua ni kawakiniko ao ni kamanoko.

Itaia 30:15

E a tia n tuangiira ni kabane te UEA ae E tabu ae Atuaia Iteraera ni kaangai, “N na kaawakiningkami ngkana kam oki Nakoiu ma ni karau nanomi. N na manga kakorakoraingkami ngkana kam nanoraoi n onimakinai.” Ma i mwiina kam a manga bonotaninga

Itaia 50:2

I roko ni weeweteingkami, ma kam aki kan ongo. Tao e a tia ni bua m'aakau ni kamaiungkami ao ni katoka ami kangaanga? A ikinako taiani marawa ao taiani karaanga n au taeka ao a riki b'a taian rereua; a mate taian ika ao a m'aung i bukina ngke e a bane te ran.

Ieremia 2:30

I kataia ni katuaaingkami, ma kam rawa n oki nako iu, ao kam tiringiia au burabeti kanga aroia raian aika a tiritiri.

Ieremia 26:23

Ao a kairiia rikaaki nakon te Uea are Ieoiakim, are e a kamatea ao e karenakoaki rab'atana nakon te tabo n taunimate.

Ieremia 35:14

man ana kaainga kanoan Rekaba. E tuangiia ana kariki Ionataba b'a a na aki momooi n te wain, ao a ongotaeka iai ni karokoa te bong aei. Ma I aki toki n taetae nako imi, ao kam aki ongotaeka i Rou!

Ieremia 35:17

Ngai ae Atuami. Bon te UEA Ngai ae Moan te M'aaka, ao I kauringkami ni b'aai aika a kakamaaku aika a na riki nako imi ngkana kam aki ongo i Rou. Kam a tia katinanikuai, ma ngaia are, e a oroiko te kabuanib'ai. Bon aei Au taeka Ngai ae te UEA.

Ieremia 6:16

E taku te UEA: Au aomata, ngkana kam tei n taian tutani kawai, I tuangkami ni kaangai, “Ira te kawai are a m'ananga naba iai ami bakatibu, ao e na reke iroumi te rau.” Ma kam rawa.

B'aeb'aeti 1:16

Ao bon anne bukina ngkai a bon taonako rannimatau. Akea ae konaa ni karaua nanou; akea ae konaa ni kaungaa nanou. E a tia ni kataenikaiai au kairiribai; bon akea nikiran aia b'ai au aomata.

B'aeb'aeti 4:13

Ma e bon riki anne i bukina ngkai a bure burabeti ma ibonga, a tiringiia aomata aika a raoiroi.

Otea 11:2

Ma e taku te taeka, “M'aitin weteakiia, bon m'aitin aia kamangao.” A aki konaa ni katoka aia m'akuri n anga te b'ainikaboiarara ao taian karea nakon bouanantin B'aara.

Otea 11:7

A tia n iangoia Au aomata b'a a na katinanikuai i bukin te anti ae a taku b'a e korakora riki, ma e bon aki konaa ni buokiia.

Ioera 2:23

Kaain Tion, kam na nebonebo mani karinea te UEA ae Atuami! E tituaraoi b'a E karokoa karaun te aumaiaki ma te aumeaang n taina.

Tekaria 1:4

Kam na aki taningabono n aroia ami bakatibu. A kauringaki irouia burabeti ake mai m'aaina b'a a na kaaki aia m'akuri aika a buakaka ma n okirai, ma a bon aki kan tabe.

Mataio 22:3

E kanakoia ana toro b'a a na weteia aomata ake a kaoaki nakon te baka, ma a aki kan roko.

Mataio 22:6

ao nikiraia a tauia ana toro, ao a b'ainikiriniia, ao a kamateia.

Ruka 15:28

Ao ngaia, e un ao e rawa n rin; ao e oti nako tamana ni butiia b'a e na rin.

Ruka 19:44

Ane a na boouaiko i aontano, ngkoe ma ake a maeka i nanon oom, ao bon akea te atibu teuana ae a na katikua n arona, i bukina b'a ko aki ata te tai are E kawariko iai te Atua b'a E na kamaiuko.

Ruka 23:28

Ao E rairaki Iesu nako ia ao E taku, Natin Ierutarem aika aine, tai tang i buku! Ma kam na tang i bukimi ao i bukiia natimi.

M'akuri 7:52

Antai i buakoia burabeti ae aki b'ainikirinaki irouia ami bakatibu? Boni ngaiia ake a tiringiia uake a kaman tataekina rokon Teuare Raoiroi, are Ngaia are kam a tia ngkai ni kam'anea ao kam tiringnga.

M'akuri 7:59

Ao ngke a kume ni karebanaa Tetebano, ao ngaia e m'anewea aran te UEA, ao e kaangai, “Te UEA ae Iesu, Anaa tamneiu!”

M'akuri 8:1

Ao e kakoauaa Tauro b'a e bon riai kamatean Tetebano. E korakora b'ainikirinaia kaain te ekaretia i Ierutarem; ao a bane ni kauamaaeaki nako kaaina nako aon te aba are Iutaia ma Taamaria, ma a aki kauamaaeaki taan tuatua.

Te Tua-Kaua 32:29

Ngke kam karaoia, ao kam na noora kawaimi are kam m'ananga nako iai.

Te Tua-Kaua 5:29

Tera ngke a taromauriai n taai nako ma n ruru ni maakai, ma n ongotaeka nakon Au tua ni kabane. B'a ngkana a karaoa anne, ao a na tetekeraoi ma natiia ma ni kukurei.

Te Kaotioti 11:8

Ao a na wene rab'ataia ni kawain te kaawa are ab'ab'aki ike E kamateaki iai aia Uea; ao aran te kaawa arei, ae te ara ni kabotau, bon Totom ma Aikubita.

Ruuta 2:12

Ke E anganiko boom ae kororaoi te UEA, ae Atuaia Iteraera, i bukin am m'akuri ae ko a tia ni karaoi, b'a ko a roko i nanon ana Kakaawakin.”