Ruka 13:33 - Te B'aib'ara

³³ Ma I riai ni wakina nako kawaiu n te bong aei ao ningabong, ao n te bong are i mwina; b'a e aki konaki ni kamateaki te burabeti ngkana e aki mena i Ierutarem.

Ruka 13:33 ပူးပေါင်းရင်းမြစ်များ

Mataio 20:18

“Noria, ae ti a nako Ierutarem, ao ane E na kam'aneaki Natin te Aomata nakoia ibonga ake mataniwi ma taani koroboki, ao ane a na motika taekana nakon te kamateaki;

Mataio 21:11

Ao a taku aomata ake a ira Iesu, “Bon Iesu are te burabeti Teuaei mai Natareta are i Kariraia.”

Ruka 9:53

Ma a rawa kaain te kawa ni kani m'aneia n akoia i bukin ataakina i rouia b'a ae i aoni kawaina Iesu nako Ierutarem.

Ioane 11:54

E aki manga m'am'ananga Iesu ni kaotiotia i mataia I-Iutaia, ma E kitana ikekei ao E nako n te aba are i rarikin te rereua, nakon te kaawa are arana Eberaim; ao E tiku iai ma ana reirei.

Ioane 11:9

E kaekaia Iesu ao E taku, “Tiaki tebwi ma uoua te aoa n te ngaina? Ngkana e nakonako te aomata n te ngaina, ao e aki untabataba b'a e nora ootan te aonnaba aei.

Ioane 12:35

E taku ngkanne Iesu nakoia, “E na aki rangi ni maan ana tai te oota ni mena i buakomi. Ma ngaia are, kam na nakonako ngkai iai te oota, b'a e kaawa n taoningkami te roo; ane nakonako n te roo, ao e aki ata ike e nako iai.

Ioane 4:34

E taku Iesu nakoia, “Kanau bon te ongeaba nakon nanon Teuare kanakomaiai, ao te katia ana m'akuri.

Ioane 9:4

E riai b'a ti na karaoi ana m'akuri Teuare kanakomaiai, ngkae e ngaina; e a kani bong, ao akea ae e kona ni m'akuri iai.

M'akuri 10:38

Bon taekan aron te Atua ngke E rinea Iesu are te I-Natareta, ao E kaonna n te Tamnei are Raoiroi ma te m'aaka; are E nakonako ni kakaraoa ae e raoiroi, ma ni kamaiuia akana b'ainikirinaki iroun te riaboro, b'a E memena te Atua i rouna.

M'akuri 13:27

B'a aomata ake a maeka i Ierutarem, ni botaki ma aia tia tautaeka, a aki ataia ae te Tia Kamaiu, ao a aki oota naba n nanon aia taeka burabeti ake a aki toki ni warekaki n te Taabati ae koraki; ma a kakoroi bukin aia taeka burabeti ngke a motika taekana.