Ruka 13:32 - Te B'aib'ara

³² Ao Ngaia E kangai nako ia, Kam na nako n tuanga te arobeke arei ni kangai, “Noria, I kanakoia taimonio, ao I karaoi m'akuri ni kakamaiu n te bong, aei ao ningabong, ao n te katenibong, N na katia iai au m'akuri.”

Ruka 13:32 ပူးပေါင်းရင်းမြစ်များ

Ana Anene Toromon 2:15

A uee ara kureebe; ti na riai n rawei taiani kameanti aika a uarereke aika a aki toki n tiring arokara kureebe.

Etekiera 13:4

A aki raoiroi riki burabetin Iteraera nakon taian tiakaore ake a kakaaea kanaia i buakon b'ain te kaawa ae e uruaki.

Teb'ania 3:3

A bekorara aia mataniwi n ai aroia raian. Ai aroia kameanti aika bora ni baki ana taan motikitaeka, e aki kona n tiku nikiran kanaia nakon te ingabong.

Mareko 6:14

Ao te uea are Erote, e ongo taekan Iesu; b'a e a rangi n atoatongaki arana. A taku tem'angina, “E a maiu Ioane are te tia b'abetito mai buakoia maate, ma ngaia ae e a reke i rouna te m'aaka ni karaoi m'akuri aika kamimii.”

Ioane 10:32

E taku Iesu nakoia, “I a tia ni kaoti nakoimi m'akuri aika bati aika raraoi mairoun te Tama; e nga i buakoia ae kam na karebanai iai i bukina?”

Ioane 19:30

Ao ngke E tia ngkanne Iesu ni katoonga te wain arei, ao E taku, “E a tia!” Ao E karara atuna, ao E anga tamneina.

Ebera 2:10

Bon te b'ai ae riai iroun te Atua, are Ngaia ae kariki b'aai ma ni kateimatoai aroia, b'a E na karaoa Iesu b'a E na bobonga raoi arona n te maraki, b'a a aonga natin te Atua aika bati ni buokanib'ai ma Iesu ni mimitongin te Atua. B'a Iesu boni Ngaia ae kairiia nakon te kamaiuaki.

Ebera 5:9

ao ngke E a bobonga raoi arona, ao E riki iai b'a te tia karika te maiu are aki toki nakoia ni kabaneia aika ira nanona;

Ebera 7:28

B'a te Tua e rineia aomata aika a aki kororaoi n aroia b'a ibonga aika kakannato; ma te taeka n akoi are karaoaki ma te taeka ni bau are roko rimwi i mwin te Tua, e rinea te Nati b'a te ibonga ae kororaoi n arona n aki toki.